2 TIMOTEO 4:10 - Nuevo Testamento en Quichua Cañar 1996

¹⁰ Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescente runaca Galacia llactamanmi rirca. Cutin Tito runaca Dalmacia llactamanmi rirca.

Dios Rimashcata Quillcashcami

¹⁰ Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescenteca Galacia llactaman, cutin Titoca Dalmacia llactamanmi rirca.

2 TIMOTEO 4:10 Referans Kwoze

2 TIMOTEO 1:15

Asia llactamanta caccunaca tucui mashna ñucataca shitashpa rishcataca, canllatac yachanguimi. Paicunapurapica Figelo runapish, Hermógenes runapish carcami.

2 CORINTIOS 2:13

Shina cacpipish Jesusmanta ñuca huauqui Tito mana tupashcamantaca, mai llaquillami carcani. Chaimantami paicunataca “caya minchacaman” nishpa, Macedonia llactaman rircanilla.

HECHOS 16:6

Pabloca Silasndic Frigia llactata, Galacia llactata rishpa, Asia llactapi alli huillaita huillasha nicucpimi, Diospac Espirituca mana huillachun saquirca.

FILEMÓN 1:24

Ñucahuan Diospacta ruhuac Marcospish, Aristarcopish, Demaspish, shinallatac Lucaspish “allilla cashca cachun” nishpami cachancuna.

2 TIMOTEO 4:16

Juezcunapac ñaupapi punta ñuca rimaricucpica, pi ñucamanta mana rimashpami ñucallata tucui shitashpa rircacuna. Paicuna chashna ruhuashcataca Taita Dios ama yuyarishca canman ninimi.

FILIPENSES 2:21

Caishuccunaca paicuna alli canallatami mashcancuna. Jesucristomanta allita ruhuanataca mana munancunachu.

2 CORINTIOS 7:6

Shina cacpipish llaquilla caccunata cushichic Diosca Tito chayamucpimi, ñucanchictaca yallita cushichirca.

HECHOS 17:11

Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata alli uyashpami, chashna cashcata, mana chashna cashcata yachangapac, Dios quillcachishcataca punzhanta alli ricurcacuna.

HECHOS 17:1

Pabloca Silasndic Anfípolis pueblota, Apolonia pueblotapish rishpaca, Tesalónica pueblomanmi chayarcacuna. Chaipimi israelcuna*f** tandanacuna huasi tiyarca.

2 PEDRO 2:15

Paicunaca cashcata ruhuashpa causanata saquishpami, pandarishpa puricuncuna. Chashna ruhuashpaca, Bosorpac churi ñaupa huillac Balaam ruhuashca shinami ruhuancuna. Balaamca millaita ruhuashpallami, cullquita japinata munac carca.

TITO 1:4

Ñuca shina cric cashcamanta ñucapac quiquin huahua shina Tito, ñucanchic Taita Diospish, Apunchic Jesucristopish mai c'uyashpa, canman sumac causaita cushca cachun nishpami caita quillcani.

1 TIMOTEO 6:17

Imapish charishcacunaca chingarinallami. Chashna cashcamanta cai pachapi achcata chariccunataca: “Ama jatun tucushpa, charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Taita Diospi shunguta churachun ningui.

1 TIMOTEO 6:10

Yallimana cullquita charina munaica tucui laya millaicunapimi urmachin. Chashnami maijancunaca cullquita charinata yallita munashpa, crinatapish saquishpa, tauca llaquicunatapish aparcacuna.

GÁLATAS 1:2

Tucui caipi cac criccunahuan tucushpami, Galacia llactapi causac tandanacushca criccunaman quillcashpa cachani.

2 CORINTIOS 8:16

Cancunata ñuca llaquic cashca shinallatac, Titoman cancunata llaquina yuyaita Taita Dios cushcamantami, paitaca pagui nicunilla.

2 CORINTIOS 8:6

Chaimantami Titotaca pai puntaman callarishca shinallatac, Dios c'uyashcamanta cancuna cushcacunata tandachichun nishpa mañarcanchic.

HECHOS 18:23

Chai pueblopi asha punzhacunata cashca q'uipaca, Galacia llactata, Frigia llactata rishpami, chaipi causac tucui criccunata: “Alli c'atinguichic” nishpa, yuyaita curca.

HECHOS 17:13

Tesalónica pueblopi causac israelcunaca Berea pueblopipish Diosmanta Pablo huillacucta yachashpami, chaiman rishpa, paita llaquichingapac chai pueblopi causaccunata jatarichircacuna.

HECHOS 15:38

Chashna nicpi Pabloca: —Sarun ñucanchic huillanata manarac tucuchicpimi, Panfilia llactacamanlla rishpa, ñucanchictaca shitashpa cutimurca. Chaimantami Marcostaca mana pushasha nini— nirca.

HECHOS 13:13

Pabloca paihuan puriccunandic barcopi huichicushpa, Pafos pueblomanta ricpica, Marcos nishca Juanca Jerusalenmanmi cutirca. Paicunaca Panfilia llactapi cac Perge pueblomanmi chayarcacuna.

SAN LUCAS 17:32

Lotpac huarmi ima tucushcataca yuyarichic.

SAN LUCAS 16:13

Maijan servicpish ishcai amotaca mana servi pudinchu. Shuc amotaca p'iñangami, caishuc amotaca c'uyangami. Mana cashpaca, shuc amo mandashcata cazungami, cutin caishuc amotaca mana cazungachu. Chashnallatacmi maijanpish charicyana yuyailla cashpaca, Taita Diostaca mana servi pudin” nirca.

SAN LUCAS 14:33

Chashnallatac maijan cancunapish tucui charishcacunata mana saquishpaca, mana ñuca yachacuccuna cai pudinguichicchu.

SAN MATEO 26:56

Ashtahuanpish ñaupa huillaccunaman Dios quillcachishca pactachunmi, tucui caicunaca tucushca— nirca. Chaipimi Jesuspac yachacuccunaca paillata saquishpa, tucui miticushpa rircacuna.

SAN MATEO 12:32

Shinallatac Runa Tucungapac shamushca*f** ñucata mana alli nishpa rimactapish, Taita Diosca perdonangami. Ashtahuanpish Diospac Espirituta mana alli nishpa rimactaca, cai pachapipish, q'uipa punzhapipish Taita Diosca manatac perdonangachu.

2 CORINTIOS 8:23

Titoca ñucahuan pacta cancunapac allipac ruhuashpa puricmi. Shinallatac caishuc ishcai huauquicunaca, caipi chaipi cac tandanacushca criccuna acllashcacunami. Paicunaca Cristo alli nishca cachunmi ruhuacuncuna.