2 TIMOTEO 2:6 - Nuevo Testamento en Quichua Cañar 1996

⁶ Maijan tarpuc runa cashpapish, pai yallita trabajacushcamantaca pairacmi japinata charin.

Dios Rimashcata Quillcashcami

⁶ Tarpuc runapish, granota japingapacca allpataracmi yallita allichishpa trabajanata charin.

2 TIMOTEO 2:6 Referans Kwoze

HEBREOS 10:36

Cancunaca mana p'iñarishpa, c'uyac shunguhuan llaquita apashpami, Diospac munaitaca pactachina canguichic. Chashna pactachishpami, pai cusha nicushcataca chasquinguichic.

1 CORINTIOS 9:23

Chai shina alli huillaita huillashpaca, chai huillashca allicunata cusha nishcata japingapacmi, chashnaca tucuni.

SAN LUCAS 10:2

Paicunataca: “Grano tandanaca achcami. Tandaccunaca ashallacunami. Chashna cashcamanta ashtahuan tandaccunata cachachun, Chagrayucman mañaichic.

SAN MATEO 20:1

Jahua pacha Taita Dios mandacucca, shuc chagrayuc amo paipac uvas chagrata pallachingapac, tutamanta utca gentecunata mashcangapac llucshic shinami.

2 TIMOTEO 2:7

Cai ñuca nishcacunata alli yuyaricpica, Apunchic Jesucristollatacmi tucui imapish alli yuyaicunataca cunga.

HEBREOS 6:7

Allpa achca tamia urmacpi, yacuta sungashpa imatapish ruhuaccunaman alli granota p'ucuc shina cacpimi, Taita Dios cushca allicunataca japincuna.

SAN MATEO 25:16

Chai pichca talento cullquita japic runaca, chai japishca cullquihuanca randishpa c'atushpami, pichca talento cullquihuan mirachirca.