2 TIMOTEO 2:4 - Nuevo Testamento en Quichua Cañar 1996

⁴ Maijanpish soldado cashpaca, paipac ima ruhuanatapish saquishpami, paita mandac imata nishcallata ruhuan.

Dios Rimashcata Quillcashcami

⁴ Maijanpish soldado cashpaca, paipac ima ruhuanata saquishpami, paita mandac imata nishcallata ruhuan.

2 TIMOTEO 2:4 Referans Kwoze

1 TESALONICENSES 2:4

Ashtahuanpish Diosllatacmari allimi nishpa, quishpirinamanta alli huillaita ñucanchic huillacushcataca, chashnatac cashcata huillachun mingarca. Chai shina huillashpaca, mana gentecunatachu cushichishun ninchic, ashtahuanpish ñucanchic shungu imata yuyacushcatapish yachac Diostamari cushichishun ninchic.

SAN LUCAS 8:14

Casha chaupipi urmashca muyu shinaca, Dios rimashca shimita uyaccunami. Chashna uyashpapish ima munaicuna, chayucyana yuyaicuna, cai pachallapi cushicuna yuyaicuna shamucpimi, uyashcacunaca aguaric shina chingarinlla. Shina cashpami, mana alli p'ucuc shina ricurincuna.

2 PEDRO 2:20

Maijanpish ñucanchicta Mandac Quishpichic Jesusta crishpa, chai mana alli causaimanta anchurishcacunami. Chashna anchurishca cashpa, cutin chai mana alli causaiman tigrarishpaca, ñaupa ima shina causacushcatapish ashtahuan yallimi tucun.

2 TIMOTEO 4:10

Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescente runaca Galacia llactamanmi rirca. Cutin Tito runaca Dalmacia llactamanmi rirca.

2 CORINTIOS 5:9

Shina cashcamantami cai pachapi causacushpapish, huañushpa causarishpapish, Apunchic Jesustaca cushichina yuyailla canchic.

GÁLATAS 5:1

Moisés mandashcacunata cazushpa ama huatashca shina cachunmi, Jesucristoca ñucanchictaca cacharichirca. Shina cashcamanta ama cutinllatac huatashca shina tucunata yuyaichicchu.