2 TIMOTEO 1:15 - Nuevo Testamento en Quichua Cañar 1996

¹⁵ Asia llactamanta caccunaca tucui mashna ñucataca shitashpa rishcataca, canllatac yachanguimi. Paicunapurapica Figelo runapish, Hermógenes runapish carcami.

Dios Rimashcata Quillcashcami

¹⁵ Asia llactamanta caccuna tucui mashna ñucataca shitashpa rishcataca, canllatac yachanguimi. Paicunapurapica Figelopish, Hermogenespish carcami.

2 TIMOTEO 1:15 Referans Kwoze

2 TIMOTEO 4:16

Juezcunapac ñaupapi punta ñuca rimaricucpica, pi ñucamanta mana rimashpami ñucallata tucui shitashpa rircacuna. Paicuna chashna ruhuashcataca Taita Dios ama yuyarishca canman ninimi.

FILIPENSES 2:21

Caishuccunaca paicuna alli canallatami mashcancuna. Jesucristomanta allita ruhuanataca mana munancunachu.

HECHOS 19:10

Chashnami Pabloca chai Asia llactapica ishcai huatata causarca. Pai chaipi causacushpa, Apunchic Jesusmanta alli huillaita huillacpica, israelcunapish, mana israelcunapish*f** tucuimi uyarcacuna.

1 CORINTIOS 16:19

Asia llactapi cac tandanacushca criccunaca “allilla cashca cachun” nishpami cachancuna. Aquilapish, Priscilapish, shinallatac paicunapac huasipi tandanacuc criccunapish Apunchic Jesushuan shuc shinalla tucushcamantami, “allilla cashca cachun” nishpa cachancuna.

HECHOS 19:27

Tucui cai Asia llactapi, shinallatac mai llactacunapipish, ñucanchic Diana diosca tucuipac alli nishcami. Cunanca jatun llaquimi tucugrin yuyachin. Dianata adorana huasita shitashpa, paita cungaringacunami. Shinallatac ñucanchic cullqui japinapish chingaringami— nirca.

HECHOS 16:6

Pabloca Silasndic Frigia llactata, Galacia llactata rishpa, Asia llactapi alli huillaita huillasha nicucpimi, Diospac Espirituca mana huillachun saquirca.

HECHOS 20:16

Pentecostés*f** punzhapac ima shinapish Jerusalenpi canata yuyashpami, Pabloca Asia llactapi ama unaiyangapac, Efeso pueblopica mana yaicushpa, barcopi rircalla.

HECHOS 19:31

Asia llactata maijan mandaccunapish Pablopac alli ricsishca cashpami: “Ama chai ucumanca yaicuchun” nichunca, jarcaccunata cacharcacuna.

HECHOS 2:9

Ñucanchicca Partia llactamanta, Media llactamanta, Elam llactamanta, Mesopotamia llactamanta, Judea llactamanta, Capadocia llactamanta, Ponto llactamanta, Asia llactamanta,