2 PEDRO 3:4 - Nuevo Testamento en Quichua Cañar 1996

⁴ “¿Apunchic Jesús ‘cutin shamushami’ nishcaca maitacyari? Ñucanchic taitacunapish ña huañurcacunami. Cai pachata Dios ruhuashcamanta pacha, chai shinallatacmi c'aticun” ningacunami.

Dios Rimashcata Quillcashcami

⁴ «Apunchic Jesús cutin shamushami nishcaca, ¿maitacyari? Ñucanchic taitacunapish ña huañurcami. Cai pachata Dios ruhuashcamanta pachami chai shinallatac caticun» ningacunami.

2 PEDRO 3:4 Referans Kwoze

SAN LUCAS 12:45

Ashtahuanpish chai mana alli servic runaca: ‘Ñuca amoca mana ñalla shamungachu’ yuyashpa, caishuc serviccunataca c'ari cachun, huarmi cachun macashpa, paica micushpa, ubiashpa, machashpami puri callarinman.

SAN MATEO 24:48

Ashtahuanpish mana alli cazuc servicca: ‘Ñuca amoca mana utca shamungachu’ yuyashpami,

1 TESALONICENSES 2:19

Apunchic Jesús cutimui punzhapi paipac ñaupapica, ¿pimantatac cushicushun? ¿Pimantatac “allimi canchic” nishca cashun? Shinallatac ¿pimantatac ñucanchic shuyacushca japina cashcatapish japishun? Chaitaca cancunamantami japishun.

MARCOS 13:19

Chai punzhacunaca achca llaquimi canga. Taita Dios cai pachata ruhuashca punzhamanta pacha cunancamanca, chashna llaquica manarac tiyashcachu, cutinpish manatac tiyangachu.

APOCALIPSIS 3:14

Laodicea pueblopi cac tandanacushca criccunata ricuc angelmanpish cashna nishpa quillcai: Taita Dioshuan cai pachapi tucui ima tiyashcatapish ruhuac, mana llullashpa imatapish cashcata nic, imatapish pactachicca, cashnami nini:

MARCOS 10:6

Ashtahuanpish Taita Diosca cai pachata ruhuashpaca, c'aritapish, huarmitapish ruhuarcami.

SAN MATEO 24:28

Maipimi ima huañushca tiyan, chaipimi ushcucunaca tandanacuncuna.

SAN MATEO 16:27

Ashtahuanpish Runa Tucungapac shamushca*f** ñucaca, ñuca Taitapac sumaimana achiclla cashcahuan, shinallatac paipac angelcunahuan cutimushpaca, tucuimanmi imata ruhuashca shinallatac ricushpa cusha.

SAN MATEO 16:28

Runa Tucungapac shamushca ñuca mandacucta ricungacamanmi, maijan caipi caccunaca manarac huañunguichic. Chaica chashnatacmi canga— nirca.

HECHOS 7:60

Esteban cungurishpaca: “¡Apunchic Jesús, paicuna cashna mana allita ruhuacushcataca, ama yuyaringuichu!” nishpami, sinchita caparirca. Chashna nishpaca huañurcallami.

2 PEDRO 3:12

Taita Dios taripana punzha utca shamuchunca, ima shinapish Diospaclla causanata munashpa shuyacuichic. Chai punzhapica, jahua pachataca ninahuanmi tucuchinga. Shinallatac caipi tiyaccunataca ninallatacmi tucui yacuyachinga.