2 JUAN 1:9 - Nuevo Testamento en Quichua Cañar 1996

⁹ Maijanpish Cristo yachachishcamanta ashtahuan yallichishpa yachachisha nicca, mana Dioshuanchu. Maijanpish Cristo yachachishca shina yachachicllami Taita Dioshuanpish, paipac Churi Jesucristohuanpish can.

Dios Rimashcata Quillcashcami

⁹ Maijanpish chingarishpa, Cristo yachachishcamanta ashtahuan yallichishpa yachachisha nicca, mana Dios-huanchu. Maijanpish Cristo yachachishca shina yachachicllami Dios-huanpish, paipac Churi Jesucristohuanpish can.

2 JUAN 1:9 Referans Kwoze

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuchuan yachachinacushpa, c'atina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Taita Diosta pagui nishpa “allimari cangui” nishpa cantaichic.

1 JUAN 1:3

Ima shinami Taita Dioshuan, shinallatac paipac Churi Jesucristohuan shuc shinalla canchic, chai shinallatac ñucanchichuan shuc shinalla cachunmi uyashcatapish, ricushcatapish cancunamanca huillanchic.

HECHOS 2:42

Paicunaca Jesús acllashca huillaccuna yachachicushcataca allimi cazuccuna carca. Caishuc chaishuchuanpish, allimi apanacuccuna carca. Shinallatac Jesús huañushcata yuyarishpa tandata chaupishpa micungapacpish, Taita Diosman mañangapacpish tandanacuccunami carca.

TITO 2:10

Ñucanchicta Quishpichic Diosmanta yachachishca sumac ricurichunca, ama pipacta shuhuashpa, ashtahuanpish ima ruhuanapipish alli nishca cachun yachachingui.

SAN JUAN 15:6

Maijanpish ñucahuan mana cactaca, chagrata cuidacca mana p'ucuc ramata shinami p'itinga. Chashna p'itishca chaquicpica, tandachishpa ninapi shitashpa rupachingami.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 5:23

Shina cashcamantami ñuca Taitaman maijanpish cungurisha niccunaca, Churiman cunguringacuna. Maijanpish Churiman mana cunguricca, ñucata cachac Taitamanpish mana cungurinchu.

SAN LUCAS 10:22

Chashnallatacmi Jesusca: —Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna— nirca.

HEBREOS 6:1

Chaimanta utcaman Cristomanta callari yachanacunataca, ama chaillatatac, chaillatatac yachacucuichicchu, ashtahuanpish alli yachaccuna cangapac allita yachacushun. Diosman cutirina, shinallatac ima shina crina yuyaicunataca, ama chaillatatac, chaillatatac yachacuccuna tucushunchic. Huañuiman apacuc ima millaicunatapish, ama ruhuashunchic.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna.

SAN JUAN 8:31

Jesusca paita cric israelcunataca:*f** —Cancunaca ñuca rimashca shimicunata cazushpa c'atishpaca, ñuca yachacuccunatacmi canguichic.

3 JUAN 1:9

Ñucaca tandanacushca criccunamanmi shuc quillcata quillcarcani. Chashna quillcacpipish Deótrefes runaca pai mandac casha nishpami, ñucanchic yuyaita cushpa quillcashcataca mana chasquisha nirca.