2 JUAN 1:3 - Nuevo Testamento en Quichua Cañar 1996

³ Taita Diospish, paipac Churi Jesucristopish cancunataca mai c'uyashpa, llaquishpa, sumac causaita cuchunmi munani. Cashcata nic huillashcata crishpa c'uyanacushpa causachunmi, chashnaca nini.

Dios Rimashcata Quillcashcami

³ Diospish, paipac Churi Jesucristopish cancunataca mai cuyashpa, llaquishpa, sumac causaita cuchunmi munani. Cashcata nic huillashcata crishpa cuyanacushpa causachunmi, chashnaca nini.

2 JUAN 1:3 Referans Kwoze

1 JUAN 4:10

Mana ñucanchicchu Diosta c'uyashcanchic, ashtahuanpish Taita Diosmari ñucanchictaca c'uyashpa, paipac Churita ñucanchic juchacunamanta huañushpa juchacunata p'ichachun cacharca. Chai c'uyaimi tucuimanta yallica.

1 TIMOTEO 1:14

Chashnami ñucanchic Apunchic Jesucristohuan shuc shinalla tucucpica, c'uyaitapish, crina yuyaitapish, ñucata yallita c'uyashcamanta Apunchic Jesucristoca curca.

1 TIMOTEO 1:2

Jesusta crishcamanta ñucapac quiquin huahua shina cac Timoteoman caita quillcashpa cachani. Ñucanchic Taita Diospish, Apunchic Jesucristopish sumaimana c'uyaihuan llaquishpa, canman sumac causaita cushca cachun nishpami quillcani.

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

2 JUAN 1:1

Ñucaca criccunata pushac cashpami, Dios acllashca tandanacushca criccunamanpish, mashnalla chaipi caccunamanpish tucui ñuca c'uyaihuan caita quillcani. Mana ñucallachu c'uyani, ashtahuanpish tucui mashnalla cashcata nic huillashcata uyashpa criccunapish c'uyancunami.

2 TIMOTEO 1:13

Canca ñuca ima shina alli yachachishca shinallatac, Jesushuan shuc shinalla cashcamantaca paita crishpa, paita c'uyashpa causachun ninimi.