2 CORINTIOS 9:8 - Nuevo Testamento en Quichua Cañar 1996

⁸ Taita Diosca imatapish ruhuaclla cashpami, cancunapac imalla illashcata punzhanta charichunca, tucui laya allicunata cunga. Chashna charishpaca, tucui laya alli ruhuaicunata ruhuangapacmi, yalli yalli charinguichic.

Dios Rimashcata Quillcashcami

⁸ Diosca imatapish ruhuaclla cashpami, cancunapac imalla illashcata punzhanta charichunca, tucuilaya allicunata cunga. Chashna charishpaca, tucuilaya alli ruhuaicunata ruhuangapacmi, yalli yalli charinguichic.

2 CORINTIOS 9:8 Referans Kwoze

EFESIOS 3:20

Ima shinami Taita Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can. ¡Chaimanta paitaca “sumacmari cangui” nishunchic!

TITO 3:14

Chashna ñucanchicpuramanta caccunaca allita ruhuashpa, huacchacunaman ima illashcata cushpa ayudashpa, Taita Diospac ñaupapi allicuna cachunmi nini.

2 CORINTIOS 8:7

Cancunaca alli criccunami canguichic, alli huillaita huillaccunami canguichic, alli yachaccunami canguichic, cushicushpa imatapish allita ruhuashpa c'aticcunami canguichic, shinallatac ñucanchicta c'uyaccunami canguichic. Chai shinallatacmi cancunaca imata cushpapish, Dios c'uyashcamanta yallita cuna canguichic.

1 CORINTIOS 15:58

Shina cashcamanta ñuca c'uyashca criccuna, pi ama urmachichunca Apunchic Jesusta tucui shunguhuan crishpa c'atiraichic. Apunchic Jesuspac ruhuaitaca punzhanta ashtahuan ashtahuan ruhuacuichiclla. Apunchic Jesushuan shuc shinalla tucushcamantaca, cancuna imata ruhuashcapish mana yanga cashcataca cancunallatac yachanguichicmi.

2 CORINTIOS 9:11

Chashna Taita Dios cucpimi, cancunaca tucui laya allicunata chasquishpa, mana misarishpa, tucui shunguhuan cungapac charinguichic. Cancuna ayudashpa imallata tandachishpa cachacpica, chaita chasquic criccunaca ñucanchic chashna ruhuashcamantami Taita Diostaca pagui ningacuna.

2 CORINTIOS 8:2

Paicunaca llaquicunata apacushpapish, cushillami carcacuna. Shinallatac imata mana chariccuna cashpapish, chariccuna shinami cullquitaca mana misarishpa curcacuna.

TITO 3:8

Chaica chashnatacmi can. Chaimanta Taita Diosta criccuna allicunallata ruhuashpa causanataca, allita yachachina cangui. Chai alli ruhuanacunami tucui mashna alli causangapac alli can.

EFESIOS 2:10

Taita Diosmi ñucanchictaca ruhuashca. Chashna ruhuashpaca, Jesucristohuan shuc shinalla tucushcamanta allicunata ruhuachunmi mushucta ruhuashca. Chai allicunata ñucanchic ruhuachunmi, ñaupamanta pacha allichishca.

1 PEDRO 4:10

Taita Diosmanta allita ruhuangapac ch'ican ch'ican ruhuac canata chasquishcamanta, allita ruhuaccuna shina, quiquin chasquishcahuan caishuc chaishucman allita ruhuaichic.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

2 CORINTIOS 8:19

Alli nishcallapish paica mana canchu, ashtahuanpish paica ñucanchichuan pacta cullquita tandachishpa richun, tandanacushca criccuna acllashcapish canmi. Cai shina tandashpa apashpaca, Apunchic Jesús alli nishca cachun, shinallatac ñucanchic criccuna cuna munaita ricuchingapacmi, chashnaca ruhuacuncuna.

COLOSENSES 1:10

Diosman mañacunchic. Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli p'ucuc shina, tucui imapipish allita ruhuashpa, Diosmantapish allita yachacunguichic.

HECHOS 9:36

Jope pueblopica, Tabita shuti cric huarmimi causarca. Tabita shutica, griego*f** rimaipica “Dorcas” nisha ninmi. (Dorcas nishpaca, “taruga” nisha ninmi). Paica mana chariccunata llaquishpa imallatapish cushpa, allita ruhuashpa causac huarmimi carca.

2 TESALONICENSES 2:17

cancunapac shunguta cushichishpa, imata rimangapacpish, punzhanta imata ruhuangapacpish alli yuyaicunata cuchun ninchicmi.

2 TIMOTEO 3:17

Chashna yachachishca cashpami, Diospacta ruhuaccunaca imatapish allita ruhuangapac allichirishca canga.

2 CORINTIOS 13:3

Chashna cacpimi Cristo ñucata huillachicushcatatac yachanguichic. Cancunapurapi cac Cristoca imata mana ruhuaipac shinaca mana canchu, ashtahuanpish imatapish ruhuaclla cashcatami ricuchicun.

FILIPENSES 4:11

Chashnaca cancuna ñucaman imallata cuchun nishpaca mana ninichu, ashtahuanpish ñucapac ima tiyashcallahuan cushi causanatami yachacushcani.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.