2 CORINTIOS 8:10 - Nuevo Testamento en Quichua Cañar 1996

¹⁰ Caimanta rimashpaca, cancunapac allipacllatacmi cai ñuca yuyaitaca cuni. Cai cullquita cunataca sarun huatapiracmi cancunaca callarircanguichic. Chashna cui callarishpaca, mana saquishpami tucui shunguhuan cuc carcanguichic.

Dios Rimashcata Quillcashcami

¹⁰ Caimanta rimashpaca, cancunapac allipacmi cai ñuca yuyaitaca cuni. Cai cullquita cunataca sarun huatami cushicushpa cungapac cancunarac callarircanguichic.

2 CORINTIOS 8:10 Referans Kwoze

HEBREOS 13:16

Cancunaca allita ruhuashpa, ima charishcata caishuc chaishuc caranacunataca, amatac cungaringuichicchu. Chashna ruhuashpami, animalta Diosman cushpa rupachic shina, Taita Diosta cushichinguichic.

2 CORINTIOS 9:2

Cancuna cushicushpa, tucui shunguhuan cuna cashcata yachashpami, chashnaca nini. Yalli huatamanta pachami, cancuna Acaya llacta criccuna tucui shunguhuan ayudanata munashcataca, Macedonia llacta criccunamanca cushicushpa huillacunilla. Cancuna chashna c'uyaihuan ayudac cashcata yachashpaca, Macedoniapi causac achca criccunapish cushicushpami, ayudanata munancuna.

1 CORINTIOS 7:40

Chashna cacpipish ñuca yuyaipica mana cutin cazarashpami, ashtahuan cushi causanman yuyanimi. Caitaca Diospac Espíritu ñucamanpish yuyaita cushcamantami nicuni.

1 CORINTIOS 7:25

Manarac cazarashcacunata yachachingapacca, Apunchic Jesús mandashcataca mana charinichu. Shina cashpapish Apunchic Jesús c'uyashpa, paita alli c'aticta ruhuashcamantami, ñuca yuyaimanta cai shina nini:

FILIPENSES 4:17

Cancuna ima cushcata chasquicunallataca mana yuyanichu, ashtahuanpish cancuna carashcamantaca Taita Diospac ñaupapi ashtahuan charichunmi munani.

2 CORINTIOS 8:8

Caitaca mana shuc mandashca shinatachu nicuni, ashtahuanpish shuccuna cushicushpa cushcata ricushpa, cancunapish cushpa, tucui shunguhuan c'uyashcata ricuchichunmi nicuni.

1 CORINTIOS 16:2

Cancunaca mashnata japishcamantaca, tucuillatacmi ashallatapish ch'icanyachishpa, semana callari domingo punzhaca tandana canguichic. Ñuca chayacpi ama tandana tucuchunmi, chashna ruhuachun nini.

2 CORINTIOS 12:1

Quiquinllatac jatun tucushpaca, ima allita mana ruhuanichu. Shina cashpapish Apunchic Jesús muscuipi shina ñucaman ricurishpa ricuchishcatami parlasha nini.

SAN JUAN 11:50

Ñucanchic llactapi tucui gentecuna tucurinapac randica, shuc runalla tucui israelcunamanta huañunami ñucanchicmanca ashtahuan alli. ¿Chaitaca manachu yachanguichic?— nirca.

SAN MATEO 10:42

Shinallatac ñucata c'atic cashcamanta, cai yangalla shinacunaman asha chiri yacullatapish cucmanca, Taita Diosca pai japina cashcata cungami. Chaica chashnatacmi canga— nirca.

1 CORINTIOS 10:23

“Imata ruhuasha nishpapish, ruhuanallami” nincunami. Chaica chashnatacmi. Shina quiquin munaita ruhuanalla cacpipish, criccunata sinchiyachingapacca mana tucuichu alli can.

1 CORINTIOS 6:12

Maijanca: “Ñucaca tucui imata ruhuasha nishpapish, ruhuanallami cani” ningachari. Shina cashpapish, imatapish quiquin munashcata ruhuanaca mana allichu. Ñucaca imatapish ruhuangapac cacharishca shina cashpapish, millai munaicuna imatapish ruhuachichunca mana saquinachu cani.

SAN JUAN 18:14

Chai curacunata jatun mandac Caifasmi mandac israelcunamanca:*f** “Tucui israelcunamantaca shuc runallami huañuna alli canga” nishca carca.

SAN JUAN 16:7

Shina cacpipish, ñuca rinami cancunamanca ashtahuan alli canga. Chashna ñuca mana ricpica, cancunata Cushichicca mana cancunahuan cangapac shamungachu. Ñuca rishpami, paitaca cachasha. Chaica chashnatacmi canga.

2 CORINTIOS 8:6

Chaimantami Titotaca pai puntaman callarishca shinallatac, Dios c'uyashcamanta cancuna cushcacunata tandachichun nishpa mañarcanchic.