2 CORINTIOS 7:8 - Nuevo Testamento en Quichua Cañar 1996

⁸ Ñuca cachashca quillca cancunata ashacamanlla llaquichishcata yachac chayashpaca, utcamanca llaquirircanimi. Shina cacpipish cunanca chai quillcata cachashcamantaca mana llaquirinichu.

Dios Rimashcata Quillcashcami

⁸ Ñuca cachashca quillca cancunata ashacaman llaquichishcata yachac chayashpaca, llaquirircanimi. Shina cacpipish chaita quillcashcamantaca mana llaquirinichu.

2 CORINTIOS 7:8 Referans Kwoze

APOCALIPSIS 3:19

Ñucaca tucui c'uyashcacunatami rimanipish, llaquichinipish. Chaimanta cancuna juchayuc cashcamanta llaquirishpa Diosman cutirishpa, shuc shungulla caichic.

2 CORINTIOS 7:11

Cancuna Dios munashca shina llaquirishcamantaca, imata tucushcataca yuyarichic. Chashna llaquirishcamantami ima shina cashcata yuyarishpa, allichirishpa, yuyaita japircanguichic. Shinallatac p'iñarishpapish, manchana yuyaitami japircanguichic. Chai q'uipaca ñucata ricuna munaita charishpami, allita ruhuashun nishpa, chai mana allita ruhuactaca llaquichircanguichic. Tucui chaicunata ruhuashpaca, imapipish mana juchanchipac cashcatami ricuchircanguichic.

2 CORINTIOS 7:6

Shina cacpipish llaquilla caccunata cushichic Diosca Tito chayamucpimi, ñucanchictaca yallita cushichirca.

SAN JUAN 21:17

Ña quimsa cutinhuan Jesús tapushpaca: —Juanpac churi Simón, ¿ñucataca c'uyanguitacchu?— nirca. Ña chaihuanca quimsa cutin tapushcamantami, Pedroca llaquilla tucushpaca: —Apunchic Jesús, canllatacmi tucuita yachangui. Shina cashpaca, canllatac ñuca canta c'uyac cashcataca yachanguimi— nirca. Shina nicpimi Jesusca: —Shinashpaca, ñuca ovejacunata cuidangui.

SAN JUAN 16:6

Ashtahuanpish caicunata nishcamantami, cancunaca munai llaquiricunguichic.

2 CORINTIOS 7:7

Mana Tito shamushcallamantachu cushicurcanchic, ashtahuanpish Tito cancuna ima shina cashcata ricushpa, cushicushcamantami cushicurcanchic. Paimi cancuna ñucata yallita ricunaihuan cashcatapish, ñucata llaquichishcata yuyarishpa llaquilla cashcatapish, shinallatac ñuca yuyailla cashcatapish parlarca. Chaita uyashpacarin ashtahuanmi cushicurcani.

2 CORINTIOS 7:9

Mana chai quillcashca cancunata llaquichishcamantachu cunanca cushicuni, ashtahuanpish cancuna chai quillcata ricushpa llaquirishpa, Diosman cutirishcamantami cushicuni. Cancunaca Taita Dios munashca shinami, chashnaca llaquirircanguichic. Shina cacpica, ñucanchicca ima mana allitaca mana ruhuarcanchicchu.

2 CORINTIOS 7:12

Shina cashpami chai quillcata ñuca quillcashpaca, chai llaquichicmantapish, shinallatac llaquichishca cacmantapish mana quillcarcanichu, ashtahuanpish Diospac ñaupapi ñucanchicmanta cancuna yuyariccuna cashcata ricuchingapacllami quillcarcani.