2 CORINTIOS 6:10 - Nuevo Testamento en Quichua Cañar 1996

¹⁰ Llaquilla cashpapish, punzhantami cushicunchic. Huacchacuna shina cashpapish, taucacunatami chayucyachinchic. Imata mana charic shina cashpapish, tucuitami charinchic.

Dios Rimashcata Quillcashcami

¹⁰ Llaquilla cashpapish, punzhantami cushicunchic. Huacchacuna cashpapish, taucacunatami chayucyachinchic. Imata mana charic cashpapish, tucuitami charinchic.

2 CORINTIOS 6:10 Referans Kwoze

SAN JUAN 16:22

Chai shinami cancunapish llaquiringuichic. Shina cashpapish ñuca cutin ricuricpica, cancunapac shunguca mai cushicungami. Chai cushicuitaca pi mana quichungachu.

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

APOCALIPSIS 2:9

Cancuna ima shina llaquicunata apacushcatapish, cancuna huaccha cashcatapish yachanimi. Shina cashpapish cancunaca chayuccunami canguichic. ‘Israelcunami*f** canchic’ niccuna cancunata mana alli nishpa, rimac cashcatapish yachanimi. Chaicunaca mana israeltacchu, ashtahuanpish Satanaspacta*f** ruhuangapac tandanacuccunami.

SANTIAGO 2:5

Ñuca c'uyashca criccuna, caita uyaichic: Taita Diosca cai pachapi imata mana chariccunataca, crishcahuan chayuc tucuchunmi acllarca. Dios maipi mandacucpi paita c'uyaccuna pai cusha nishcata japichunmi, chashnaca acllarca.

HEBREOS 10:34

Cancunaca carcelpi caccunamantaca, cancuna cashca shinallatacmi llaquircanguichic. Cancuna jahua pachapi huiñai huiñaipac tucuimanta yalli allita charishcamantaca, tucui charishcata quichucpipish, cushilla carcanguichicmi.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Taita Dioshuan alli canami tucuimanta yalli allica. Cai causaipacpish, q'uipa causaipacpish allicunatami apamun.

FILIPENSES 4:4

¡Cancunaca Apunchic Jesushuan shuc shinalla cashcamanta cushicuichic! ¡Cutin cutinpish cushicuichiclla! ninimi.

1 TESALONICENSES 1:6

Cancuna quishpirinamanta alli huillaita chasquishpami, ñucanchic c'atic shinallatac Apunchic Jesustaca c'aticunguichic. Mai llaquihuan cashpapish, Diospac Espíritu cushichicpimi, cushilla canguichic.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuchuan yachachinacushpa, c'atina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Taita Diosta pagui nishpa “allimari cangui” nishpa cantaichic.

FILIPENSES 2:17

Cancuna crishpaca, Taita Diosman cushpa rupachic shinami cushcanguichic. Chaita pactachingapacca, ñuca quiquin causaita chingachina cacpipish chingachishallami. Chashna yuyashpami, tucui cancunahuan cushicuni.

ROMANOS 11:12

Chashna israelcuna pandarishpa mana cazushcamantami, tucui cai pachapi causaccunapac mana israel cacpipish, allipac cashca. Paicuna pandarishcapish mana israelcunapac allipac cacpimi, tucui israelcunata Dios quishpichicpicarin, ashtahuan alli cashcata yachanchic.

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, tucurinalla ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Taita Diosllatac imatapish ruhuaclla cashcatami ricuchin.

2 CORINTIOS 2:4

Cancunaman chai quillcata quillcashpaca, yallita llaquirishpami, huacashpa, huiqui ñahuilla quillcarcani. Shina cashpapish mana cancunata llaquichingapacchu chashnaca quillcarcani, ashtahuanpish cancunata yallita c'uyac cashcata cancuna yachachunmi, chashnaca quillcarcani.

ROMANOS 15:13

Shuyana yuyaita cuc Taita Diosllatac, criccuna cashcamanta cancunamanca sumac causaitapish, cushi canatapish yallita cushca canman. Imatapish ruhuaclla paipac Espiritullahuantac japingapac shuyana yuyaita yallita charichunmi, chashnaca nini.

ROMANOS 12:15

Cushilla caccunahuanca cushicuichic. Llaquilla caccunahuanca llaquilla caichic.

HECHOS 5:41

Ña mandaccuna cacharicpi llucshishpaca: “¡Jesús llaquita apashca shinami, paita c'aticushcamanta Taita Diosca ñucanchictapish llaquita apachun saquishca!” nishpami, Jesús acllashca huillaccunaca munai cushicushpa rircacuna.

SAN LUCAS 6:21

¡Cunan yarcaihuan caccunaca cushicuichic! Taita Dios cancunamanca mana nicta carangami. ¡Cunan cancuna huacaccunaca cushicuichic! Taita Dios cushichicpica, asinguichicmi.

SAN MATEO 5:4

Llaquilla cashcamanta huacacuccuna, ¡cushicuichic! Taita Diosmi cancunataca cushichinga.

1 TIMOTEO 6:18

Chayuccunataca imatapish allita ruhuashpa, mana misarishpa shuccunaman carashpa, chaicunahuan chayuc shina cachun yachachingui.

1 TESALONICENSES 5:16

Punzhanta cushilla caichic.

HECHOS 3:6

Chashna chaparacucpimi Pedroca: —Ñucaca cullquitapish, curitapish mana charinichu. Chashna cashpapish ñuca charishcatami canman cuni. Nazaret pueblomanta Jesucristopac shutipimi, ‘jatarishpa puri’ nini— nirca.

COLOSENSES 1:24

Cancunamanta llaquita apacushcamantaca, cunanca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

EFESIOS 3:16

Paipac sumaimana charishcacunata cancunaman cushpa, paipac Espirituhuan yuyaita allichishpa, sinchi criccunata ruhuachunmi, Taita Diosman mañacuni.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

2 CORINTIOS 4:15

Ñucanchicca cai llaquicunata apacushpaca, cancunata c'uyashpa llaquita apacushcatami yachanchic. Shina cacpimi Taita Dios mai c'uyac cashcata yachashpaca, pagui nishpa achcacuna Diostaca “allimari cangui” ningacuna.

1 CORINTIOS 1:5

Paimantami Taita Diosca cancunataca yachaipipish, rimaipipish chayuccuna shinata ruhuashca.

ROMANOS 9:2

Ñuca shungupica mai llaquirishpami punzhanta nanaihuan cani.

ROMANOS 8:32

Taita Diosca paipac quiquin Churitaca tucui ñucanchicmanta llaquita apachunca, mana jarcarishpami saquircalla. Chashna saquishpaca, ¿manachu paipac Churita cushca shinallatac imatapish cunga?

HECHOS 16:25

Chashna huatashca cashpapish, Pabloca Silasndic chaupi tuta shinataca Taita Diosman mañashpa cantacucpimi, chaipi cac caishuc prezucunapish chaita uyarcacuna.

SAN MATEO 5:12

Cancunata chashna llaquichicpipish, ¡cushicuichiclla! Taita Diosca jahua pachapimi, cancuna japina cashcata yallita cunga. Chashnallatacmi ñaupa punzhapica, Diosmanta ñaupa huillaccunatapish llaquichircacuna.

APOCALIPSIS 21:7

Maijanpish millaita mishaccunaca paicuna japina cashcata japingami. Ñucaca paicunapac Diosmi casha, shinallatac paicunapish ñucapac huahuacunami canga.