2 CORINTIOS 5:5 - Nuevo Testamento en Quichua Cañar 1996

⁵ Chashna japichunca, Diosmi ñucanchicmanca yuyaita curca. Chaita japina cashcata ricuchichunca, paillatacmi paipac Espirituta ñucanchicmanca curca.

Dios Rimashcata Quillcashcami

⁵ Chashna japichunca, Diosllatami yuyaita curca. Chaita japina cashcata ricuchichunca, paillatacmi paipac Espirituta ñucanchicman curca.

2 CORINTIOS 5:5 Referans Kwoze

2 CORINTIOS 1:22

Paimi ñucanchicta paipaclla cachun sellohuan unanchishca shinata ruhuashca. Shinallatac ñucanchic shungupi paipac Espirituta churashpami, q'uipa punzhapi ñucanchic japina cashcata ricuchishca.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Taita Dios paipac huahuacunata ricuchina punzhapi ñucanchic cuerpota huatashca shinamanta llucchictami shuyashpa, shungumanta llaquita apacunchic.

EFESIOS 4:30

Taita Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan unanchishpa ch'icanyachirca. Chaimanta millaita rimashpa ama Diospac Espirituta nanachichicchu.

1 JUAN 3:24

Pai mandashcata pactachishpa causaccunaca paicunapish Dioshuan, Diospish paicunahuanmi shuc shinalla causancuna. Shina cacpimi pai ñucanchichuan cashcataca, pai cushca Espiritullatac yuyaita cucpi yachanchic.

EFESIOS 2:10

Taita Diosmi ñucanchictaca ruhuashca. Chashna ruhuashpaca, Jesucristohuan shuc shinalla tucushcamanta allicunata ruhuachunmi mushucta ruhuashca. Chai allicunata ñucanchic ruhuachunmi, ñaupamanta pacha allichishca.

2 CORINTIOS 4:17

Cai causaipica ashacamanllami llaquita apacunchic. Chaica tucuringami. Ashtahuanpish chai llaquicunaca tucuimanta yalli huiñai causaiyuctami ruhuacun.