2 CORINTIOS 5:18 - Nuevo Testamento en Quichua Cañar 1996

¹⁸ Tucui caicunataca Taita Diosmi ruhuarca. Diosca Cristomanta ñucanchichuan alli tucushpami, ñucanchictaca gentecuna paihuan alli tucuchun nishpa, huillaccuna cachun mingarca.

Dios Rimashcata Quillcashcami

¹⁸ Tucui caicunataca Diosmi ruhuarca. Diosca Cristomanta ñucanchic-huan alli tucushpami, ñucanchictaca gentecuna paihuan alli tucuchun nishpa, huillaccuna cachun mingarca.

2 CORINTIOS 5:18 Referans Kwoze

1 JUAN 4:10

Mana ñucanchicchu Diosta c'uyashcanchic, ashtahuanpish Taita Diosmari ñucanchictaca c'uyashpa, paipac Churita ñucanchic juchacunamanta huañushpa juchacunata p'ichachun cacharca. Chai c'uyaimi tucuimanta yallica.

ROMANOS 5:1

Ñucanchic crishcamanta paihuan alli tucuchun Taita Dios chasquicpimi, Apunchic Jesucristomanta Taita Dioshuan cushi canata charinchic.

ROMANOS 11:36

Tucui imapish Diosmantami shamun, shinallatac paimantami tiyan. Tucui imapish paipacmi. ¡Chaimanta Taita Diostaca huiñai huiñaita alli nishca cachun! Chashna cachun.

1 JUAN 2:2

Jesucristoca Taita Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchic juchacunallamantachu huañurca, ashtahuanpish tucui cai pachapi causaccunapac juchata perdonachunmi huañurca.

1 CORINTIOS 8:6

ñucanchicmanca shuclla Taita Diosmi tiyan. Paimi tucui cai pachapi imalla tiyactapish ruhuac, shinallatac paipacmi ñucanchicpish canchic. Shinallatacmi shuclla Apunchic Jesucristo tiyan. Paimantami tucui imapish tiyan. Ñucanchicpish paimantami causanchic.

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

SAN LUCAS 24:47

Chai q'uipaca Jerusalén pueblomanta callarishpa, tucui llactacunapi causaccunamanmi: ‘Juchayuc cashcamanta llaquirishpa, Taita Diosman cutirichic. Shina cutiricpimi, Taita Diosca cancunapac juchacunata perdonanga’ nishpa huillanguichic.

SANTIAGO 1:17

Jahua pachapi imalla tiyashcatapish ruhuac Diosmantami, ima allita ruhuana yuyaipish, cashcata ruhuana yuyaipish shamun. Diosca huiñai huiñaicamanmi Paillatac can. Paica mana shuctacyashpa, huiñaitami achicyachicungalla.

HEBREOS 2:17

Chai shina ayudangapacmi, paipac huauquicuna shina tucuna carca. Chai shina tucushpaca, tucui gentecunapac juchacunata anchuchingapacmi, allita pactachic, tucuita llaquic, Diospacta ruhuac curacunata jatun mandac cura tucurca.

1 CORINTIOS 12:6

Ch'ican ch'ican imata ruhuaipaccunami tiyan. Shina cacpipish Taita Diosllatacmi tucuipi, tucui imatapish ruhuachicun.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

HECHOS 10:36

Taita Diosca paihuan alli tucushpa sumacta causachunmi, israelcunamanca*f** tucuita Mandac Jesucristotaca quishpirinamanta huillachun cacharca.

SAN JUAN 3:27

Chaita uyashpami Juanca cashna nirca: —Taita Dios imatapish mana munacpica, pipish imata mana ruhuanmanchu.

SAN LUCAS 10:5

Mai huasiman chayashpaca: ‘Cai huasipica, Taita Dios sumac causaita cuchun’ nishpa, punta alabadunguichic.

1 CORINTIOS 3:5

Ñucanchicca Pablo cashpa, Apolos cashpapish ima mana canchicchu, ashtahuanpish Apunchic Jesuspacta ruhuaccunallami canchic. Ñucanchic huillacpimi, cancunapish paita criccuna tucurcanguichic. Ñucanchicca Apunchic Jesús imata ruhuachun ricuchishcallata ruhuaccunami canchic.

1 CORINTIOS 11:12

Ima shinami huarmica c'arimanta surcushpa ruhuashca, chashnallatacmi c'aripish huarmimanta huacharin. Chashna cashpapish tucuimi Diosmanta shamun.

COLOSENSES 1:22

Shina cacpipish cunanca Cristo runa tucushpa, llaquita apashpa huañushcamantami, Taita Diosca cancunata paihuan alli tucuchun chasquirca. Chashnami cancunataca paipac ñaupapi paipaclla cachun, jucha illac cachun, shinallatac chuyayachishca cachunpish chashnaca ruhuarca.