2 CORINTIOS 4:16 - Nuevo Testamento en Quichua Cañar 1996

¹⁶ Chaimantami ña saquishalla nishpaca, mana ninchic. Ñucanchic cuerpo punzhanta maucayashpa tucurimucucpipish, ñucanchic almaca punzhantami mushucyashpa c'aticun.

Dios Rimashcata Quillcashcami

¹⁶ Ñucanchic cuerpo punzhanta maucayashpa tucurimucpipish, ñucanchic almaca punzhantami mushucyashpa caticun. Chaimantami mana shaicunchic.

2 CORINTIOS 4:16 Referans Kwoze

COLOSENSES 3:10

Cancuna mushuc churanata churaric shinami, mushuc yuyaita japishcanguichic. Imatapish ruhuac Taita Dios mushucta ruhuashpa pushacpimi, cancunaca pai shina tucunguichic. Chashna cashpami, Taita Diosta allita ricsic chayanguichic.

ROMANOS 12:2

Cai pachapaclla causaccuna shina ama causaichicchu. Chaipac randica Diospac Espíritu mushuc yuyaita cushpa, cancunapac causaita mushucyachichun saquichic. Chashna causashpami imapish allita cashcata, Diosman alli ricuric cashcata, shinallatac chashnatac cashcata yachac chayanguichic. Tucui chaicunaca Diospac munaimantami.

2 CORINTIOS 4:1

Chaimantami Taita Dios llaquishpa cai ruhuanata ñucanchicman mingashcamantaca, saquishalla nicushpapish, mana saquishpa ruhuacunchiclla.

EFESIOS 3:16

Paipac sumaimana charishcacunata cancunaman cushpa, paipac Espirituhuan yuyaita allichishpa, sinchi criccunata ruhuachunmi, Taita Diosman mañacuni.

ROMANOS 7:22

Ñuca shungupica Dios mandashcacunahuanca yallitami cushicuni.

TITO 3:5

ñucanchicta quishpichirca. Mana ñucanchic ima allita ruhuashcamantachu quishpichirca, ashtahuanpish ñucanchicta llaquishcallamantami quishpichirca. Taita Diosca paipac Espirituhuan tucui juchacunamanta chuyayachishpami, mushuc causaita curca.

1 PEDRO 3:4

Chaipac randica cancunapac ucu shungumantatac allichirishpa, mana p'iñaric, alli shungu caichic. Chashna allichirishpami, Diospac ñaupapica huiñaita mai alli nishcacuna canguichic.

EFESIOS 4:23

Cancunaca Diospac Espíritu yuyaita cushca shinami, ñaupa mana alli yuyaicunataca saquina canguichic.

1 CORINTIOS 15:58

Shina cashcamanta ñuca c'uyashca criccuna, pi ama urmachichunca Apunchic Jesusta tucui shunguhuan crishpa c'atiraichic. Apunchic Jesuspac ruhuaitaca punzhanta ashtahuan ashtahuan ruhuacuichiclla. Apunchic Jesushuan shuc shinalla tucushcamantaca, cancuna imata ruhuashcapish mana yanga cashcataca cancunallatac yachanguichicmi.

2 CORINTIOS 12:15

Cancunapac alma quishpirichunca, ñuca imalla charishcacunataca mana llaquishpami, cushicushpa cancunamantaca tucuchisha, shinallatac ñuca causaitapish chingachisha. Chashna cancunata yalli c'uyacucpica, ¿ima nishpatac cancunaca ashallata c'uyanguichic?

SAN LUCAS 11:3

Ñucanchic punzhanta micuna tandataca, cunan punzhapish carai.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota c'aticushcamanta c'amishpa rimacpica, cancunamanca mai cushicuimi canga.