2 CORINTIOS 4:10 - Nuevo Testamento en Quichua Cañar 1996

¹⁰ Ñucanchic maiman rishpapish, Jesús shinallatacmi huañuchinalla purinchic. Chashna cashpapish mana huañushpaca, Jesús causacuc cashcatami ricuchinchic.

Dios Rimashcata Quillcashcami

¹⁰ Ñucanchic maiman rishpapish, Jesús shinallatacmi huañuchinalla purinchic. Mana huañushpaca, Jesús causacuc cashcatami ricuchinchic.

2 CORINTIOS 4:10 Referans Kwoze

ROMANOS 6:5

Ima shinami Cristohuan huañungapac shuc shinalla tucurcanchic, chai shinallatacmi Taita Dios causachicpica, Cristo causarishca shina causarishun.

2 TIMOTEO 2:11

Cai nishcaca chashnatacmi can: “Jesucristohuan huañushca cashpaca, paillahuantacmi causashun.

1 PEDRO 4:13

Chaipac randica, Cristo llaquita apashca shina llaquita apacushcamantaca cushicuichiclla. Chashna cashpami, Cristo sumaimana cashcahuan cutimucpica cushicunguichic.

ROMANOS 6:8

Ñucanchic Cristohuan huañushca cashpaca, paillahuantac causana cashcatami crinchic.

2 CORINTIOS 13:4

Ari, paica imatapish mana ruhuaipac shinami, cruzpi chacatashca carca. Shina cashpapish imatapish ruhuaclla Diosmantami causacun. Chai shinallatacmi ñucanchicca Cristo shina, imatapish mana ruhuaipac shina canchic. Shina cashpapish paihuan shuc shinalla tucushpami, Taita Dios imatapish ruhuaclla cashcahuan cancunapac allipac causashun.

2 CORINTIOS 1:5

Cristo llaquita apashca shinami, ñucanchicpish paihuan jatun llaquita apanchic. Chai shinallatacmi Cristomanta ñucanchicpish yallita cushicuita japinchic.

ROMANOS 8:36

Dios quillcachishcapica: “Canmantami ima punzhapish huañuchishca canalla canchic. Ovejata huañuchinaman apashca shinatami charincuna” ninmi.

COLOSENSES 1:24

Cancunamanta llaquita apacushcamantaca, cunanca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

2 CORINTIOS 1:9

Chaipica ña huañunalla shinami carcanchic. Shina cacpipish ñucanchicmanca chai llaquita apashcaca allimi carca. Chashna llaquita apashpami, mana ñucanchicllapi yuyaita churashpa, ashtahuanpish huañushcacunata causachic Dios yuyailla canata yachacurcanchic.

GÁLATAS 6:17

Ñuca Apunchic Jesusta c'aticushcamanta chugririshpa alli tucushca señalmi, paipacta ruhuac cashcataca ricuchin. Chaimanta ñucataca ama pi p'iñachun.

SAN JUAN 14:19

Asha q'uipallaca cai pachapaclla causaccunaca ña mana ñucataca ricungacunachu. Shina cacpipish cancunaca ricunguichicmi. Shinallatac ñuca causacushcamantaca, cancunapish causanguichicmi.

APOCALIPSIS 1:17

Chaita ricushpaca, huañushca shinami paipac chaqui pambaman urmarcani. Shina cacpipish paipac alli maquita ñuca jahuapi churashpaca, cashnami nirca: —Ama mancharichu. Ñucami tucuita callarichicpish, tucuchicpish cani.

2 CORINTIOS 4:11

Jesús causacushca ñucanchic huañunalla cuerpopi ricurichunmi, paita c'aticushcamanta cai causaipica huañuchishunmi nishcapish purinchic.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota c'aticushcamanta c'amishpa rimacpica, cancunamanca mai cushicuimi canga.