2 CORINTIOS 13:8 - Nuevo Testamento en Quichua Cañar 1996

⁸ Cashcata nic huillashcapac imapish mana allicunataca mana ruhuai pudinichu, ashtahuanpish cashcata nic huillashcapac imapish allillatami ruhuai pudini.

Dios Rimashcata Quillcashcami

⁸ Cashcata nic huillashcapac imapish mana allicunataca mana ruhuai pudinchicchu, ashtahuanpish cashcata nic huillashcapac imapish allillatami ruhuai pudini.

2 CORINTIOS 13:8 Referans Kwoze

MARCOS 9:39

Chashna nicpi Jesusca: —Ama jarcanguichicchu, saquichiclla. Maijanpish ñuca shutipi pi mana ruhuaipacta ruhuashpaca, ñucataca mana allichu nishpaca mana rimangachu.

1 TIMOTEO 1:20

Chashnami Himeneopish, Alejandropish tucushca. Paicuna Taita Diosta ama c'amishpa c'atichun nishpami, Satanasman*f** llaquichichun curcani.

2 CORINTIOS 13:10

Ñuca cancunapacman rishpa ama yallita mandashpa llaquichingapacmi, manarac ricungapac rishpa, caita quillcashpa cachani. Apunchic Jesús mandashpaca, mana cancunata chingachichunchu mandarca, ashtahuanpish cancunata alli cricta ruhuashpa, ashtahuan sinchiyachichunmi mandarca.

2 CORINTIOS 10:8

Apunchic Jesús mandashcamanta, ñuca cancunata imatapish ruhuachun nishpa ashata jatun tucushpa mandashpapish, mana pinganichu. Apunchic Jesusca ñucataca mana cancunata chingachichunchu mandarca, ashtahuanpish alli cricta ruhuashpa, sinchiyachichunmi mandarca.

2 CORINTIOS 13:7

Cancuna imapish mana allita ama ruhuachunmi, Taita Diosman mañanchic. Chashnaca mana ñucanchic allipi ricuringaraicuchu mañacunchic, ashtahuanpish ñucanchicta pandarishcami nishpa juchanchicucpish, cancuna allicunata ruhuachunmi mañanchic.

2 CORINTIOS 13:9

Chaimanta ñucata “shina shinalla cricmi” nicucpipish, cancuna ashtahuan sinchi criccuna cacpimi cushicuni. Cancuna Cristota c'atishpa, ashtahuan sinchiyangacamanmi, Taita Diosman mañashpa c'aticushalla.