2 CORINTIOS 11:14 - Nuevo Testamento en Quichua Cañar 1996

¹⁴ Caicunata ricushpaca, mana mancharinachu. Satanasllatacmi*f** achic nicuc ángel shina tucunlla.

Dios Rimashcata Quillcashcami

¹⁴ Caicunata ricushpaca, mana mancharinachu. Satanasllatacmi achic nicuc ángel shina tucunlla.

2 CORINTIOS 11:14 Referans Kwoze

GÁLATAS 1:8

Shina cacpica ñucanchic cancunaman huillashca alli huillaita shuctac layaman huillactaca ñuca cacpipish, jahua pachamanta shamuc ángel cacpipish Taita Dios llaquichishca cachun.

2 CORINTIOS 2:11

Chai shina ruhuacpimi, Satanasca*f** mana ñucanchictaca pandachinga. Pai ima shinapish pandachisha nicushcataca allimi yachanchic.

2 CORINTIOS 11:3

Shina cashpapish ima shinami culebra paipac yachac tucushca cashcahuan Eva huarmita umashpa crichirca, chashnallatac cancunamantapish Cristota tucui shunguhuan c'atina yuyaicunata anchuchishpa, chingachinatami manchani.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebraca can. Paillatacmi diablo nishcapish, Satanás*f** nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandic cai pachaman llucchishpa shitarcacuna.

EFESIOS 6:12

Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.

COLOSENSES 1:12

Diosta pagui nishpa, cushicushpa apanguichiclla. Paimi Diospaclla caccuna japina cashcata cancunapish paipac achiclla mandacucpi japiccuna cachun ruhuarca.

COLOSENSES 1:13

Taita Diosmi amsa millai yuyaicuna mandashpa huatashca shina charicucmanta, paipac c'uyashca Churi mandacucman aparca.