2 CORINTIOS 10:5 - Nuevo Testamento en Quichua Cañar 1996

⁵ shinallatac “allimi canchic” nishpa, ama Taita Diosta ricsichun nishpa jarcaccunatapish, tucui chingachinchic. Chashnami tucui gentecunapac yuyaicuna Cristota cazuchun munanchic.

Dios Rimashcata Quillcashcami

⁵ Chashnami juchanchiccunatapish, «allimi canchic» nishpa, Diosta ricsinata jarcaccunatapish, tucui chingachishpa gentecunapac yuyaica Cristota cazuchun nishpa paiman chayachinchic.

2 CORINTIOS 10:5 Referans Kwoze

HEBREOS 4:12

Dios rimashca shimica causacmi. Tucui imatapish ruhuacmi. Ishcai filoyuc espadacunatapish yalli filoyucmi. Shina cashcamantami almatapish, espiritutapish, mucucunatapish, tullu ñutcutapish chaupishpa, yaicuipaclla can. Shinallatac shungu imata munashcatapish, yuyashcatapish ricuchinmi.

ROMANOS 7:23

Shina cacpipish, ñucapi tiyac munaimi ima allita ruhuasha nicucpipish, ñuca allita ruhuana yuyaicunata jarcan. Chashna cashcamantami ñucapi tiyac munaicunaca juchapi huatashca shina charicun.

SAN MATEO 15:19

Shungu ucumanta millai yuyaicuna llucshicpimi huañuchincuna, cazarashca jahua shuc-huan huacllirinacuncuna, manarac cazarashca cashpapish huacllirinacuncuna, shuhuancuna, llullancuna, shinallatac imapish mana alli rimaicunata rimancuna.

ROMANOS 1:21

Chashna ricsishpapish Taita Diosta shinaca mana alli nircacunachu, shinallatac mana pagui nircacunachu. Chaipac randica manapish caipac yanga yuyaicunata yuyashpami, paicunapac yuyaica amsapi shina yanga tucushca.

1 CORINTIOS 3:19

Cai pacha gentecuna yachashcallaca, Diospac ñaupapica imata mana yachashca shinami. Dios quillcachishcapica: “Taita Diosca chai jatun yachaccunataca, paicunapac yachashcallahuantacmi tucllapi shina urmachin” ninmi.

1 CORINTIOS 1:19

Dios quillcachishcapica: “Jatun yachaccuna yachashcataca tucui chingachishami. Shinallatac alli yuyaita chariccunatapish, paicuna yuyaita charishcatapish chingachishami” ninmi.

HEBREOS 5:9

Chai shina llaquita apashpa, Taita Dios ima nishcata tucui pactachishpami, maijanpish paita cazuccunapacca huiñaita Quishpichic tucurca.

1 PEDRO 1:22

Cunanca tucui shunguhuan criccunapura c'uyanacungapacmi, cashcata nic alli huillaita cazushpa, cancunapac almataca chuyayachishca canguichic. Chashna cashcamantami chuya shunguhuan, tucui munaihuan criccunapura c'uyanacuna canguichic.

2 TESALONICENSES 2:8

chai millaita ruhuac runami ricuringa. Paitami Apunchic Jesusca cutin shamushpa, paipac shimihuan p'ucushpa huañuchinga, shinallatac paipac sumac achiclla cashcahuanmi chingachinga.

SAN LUCAS 1:51

Paica imatapish ruhuac cashcahuanmi ruhuashca. Shungupi jatun tucushcacunapac yuyaicunatapish chingachishcami.

2 TESALONICENSES 2:4

Chai millaita ruhuac runami Taita Diostapish, chashnallatac imatapish Diosta shina alli ninacunatapish p'iñanga. Chaipac jahuapica chai runallatacmi Diosman mañana huasipipish “ñucami Dios cani” nishpa tiyaringa.

2 CORINTIOS 9:13

Cancuna Cristomanta huillacushca alli huillaita cazushcamanta ayudacushcata yachashpami, paicunamanpish shinallatac shuccunamanpish tucui shunguhuan ayudashcamantaca, paicunaca Taita Diostaca “allimari cangui” ningacuna.

ROMANOS 16:26

Huiñaita causacuc Taita Dios mandashca shinami, cunanca chai pacashcataca ñaupa huillaccuna quillcashca shina ricuchin. Cai pacashcataca tucui cai pachapi causaccuna crishpa cazuchunmi ricuchishca.

ROMANOS 1:5

Jesucristomantami paimanta huillashpa alli canataca chasquircani. Tucui llactacunapi paita crishpa cazuccuna tiyachunmi, paimanta huillachun ñucataca acllarca.

1 PEDRO 1:2

Cancunataca Taita Diosmi ña ñaupamanta pacha pai munashca shina paipac huahuacuna cachun acllashca. Taita Diosca paita c'uyashpa causachun, shinallatac Jesucristopac yahuarhuan chuyayachishca cachunmi, cancunata paipac Espiritumanta paipacllatac ruhuashca. Taita Dios mai c'uyashpa, cancunaman sumac causaita yallita cushca cachun ninimi.

2 CORINTIOS 11:20

Shinallatac servichiccunatapish, shuhuashpa quichuccunatapish, umaccunatapish, mana ricunachiccunatapish, p'iñashpa ñahuipi huactaccunatapish, cancunaca imata mana nishpa chasquinguichicllami.

FILIPENSES 4:7

Chashna ruhuacpimi, Taita Diosca cancunamanca sumac causaita cunga. Chai sumac causai ima shina cashcataca, pipish mana tucui yachai pudinchu. Cancuna Jesucristohuan shuc shinalla cacpimi, chai sumac causaica cancunapac shungutapish, yuyaitapish huacaichinga.