1 TIMOTEO 6:2 - Nuevo Testamento en Quichua Cañar 1996

² Shinallatac maijan servicpish, Jesusta cric amocunata servicushpaca, “cric amollami” nishpa mana cazuna yuyaita ama charichun yachachingui. Ashtahuanpish chai serviccunataca: “Cancuna c'uyashca cric huauquipacta ruhuacushcamantaca, ashtahuan alli cazunami cangui” nishpami, cunashpa yachachina cangui.

Dios Rimashcata Quillcashcami

² Maijan serviccuna, cric amocunata charishpaca, “cric amollami” nishpa ama yuyachun, ashtahuanpish cuyashca, cric huauquipacta ruhuacushcamantaca, “ashtahuan allita ruhuashpami cazuna canguichic” nishpami, cunashpa yachachina cangui.

1 TIMOTEO 6:2 Referans Kwoze

COLOSENSES 4:1

Amocuna, cancunapish shuc Amota jahua pachapi charishcamanta, cancunapac serviccunamanca allita yuyarishpa, imatapish cashcata ruhuaichic.

1 TIMOTEO 4:11

Cai ñuca nishcacunataca cazuchun nishpa yachachingui.

SAN JUDAS 1:8

Chashna cashpapish chai llullashpa yachachiccunaca “muscunchicmi” nishpami, caishuccunata pandachishpa, paicunallatac mapayancuna. Shinashpami Mandac Diostapish mana cazushpa, jahua pacha jatun mandaccunatapish mana alli nishpa, rimashpa c'amincuna.

2 PEDRO 2:10

Tucuimanta yallica, Mandac Diosca pai Mandac cachun mana chasquiccunatapish, mana alli munaihuan c'atic imapish mapa mana allita ruhuaccunatapish llaquichingami. Paicunaca mana cazuccunami, imapipish c'ariyaccunami, shinallatac imatapish ruhuaclla jahua pachamanta mandaccunatapish mana manchashpa c'amiccunami.

1 PEDRO 5:1

Cunanca cancunapuramanta tandanacushca criccunata pushaccunatami cunashpa rimasha nini. Ñucapish paicuna shinallatac pushacmi cani. Shinallatac Cristo ima shina llaquita apashcatapish ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

HEBREOS 3:1

C'uyashca criccuna, cancunaca Diospaclla causachun c'ayashcacunami canguichic. Chashna cashcamanta ñucanchic crishca shina, Jesucristotaca Diosmanta huillac cashcata, shinallatac curacunata jatun mandac cura cashcata yuyashunchic.

TITO 3:8

Chaica chashnatacmi can. Chaimanta Taita Diosta criccuna allicunallata ruhuashpa causanataca, allita yachachina cangui. Chai alli ruhuanacunami tucui mashna alli causangapac alli can.

TITO 2:15

Cai ñuca nishcacunata yachachicushpaca, cunashpa shinallatac mana allita ruhuaccunataca canllatac rimashpa cazunata yachachingui. Ama pi canta mana alli nishpa rimachun saquinguichu.

TITO 2:1

Can yachachicushpaca, Diosmanta yachachishca shinata c'atishpa yachachingui.

1 TIMOTEO 5:1

Ñaupa huiñai taitacunata rimashpaca, ama sinchita rimangui, ashtahuanpish sumacta quiquin taitata shina cunangui. Shinallatac q'uipa huiñaicunataca, quiquin huauquita shina sumacta rimangui.

2 TESALONICENSES 1:3

C'uyashca criccuna, cancuna crishpa, ashtahuan sinchiyashpa c'aticushcamanta, shinallatac caishuc chaishuchuan ashtahuan c'uyanacushpa causacushcamantaca, Taita Diostaca pagui nina cacpitacmi pagui nicunchic.

COLOSENSES 1:4

Jesucristota crishcata shinallatac Diospaclla cac tucui criccunata c'uyac cashcata yachashpami, chashnaca pagui ninchic.

COLOSENSES 1:2

Colosas pueblopi causac, Diospaclla cac criccunaman cai quillcata quillcani. Cancuna Cristohuan shuc shinalla tucushpa, paita alli c'atic, ñucanchic c'uyashca criccunami canguichic. Ñucanchic Taita Dios mai c'uyashpa, cancunaman sumac causaita cushca cachun ninimi.

EFESIOS 3:6

Chai pi mana yachashcaca caimi: Quishpirinamanta alli huillaita uyashpa crishcamanta, mana israelcuna israelcunahuan pacta japina cashcata japingacunami. Paicunaca shuc cuerpo shina cashcamantami, Jesucristomanta Taita Dios cusha nishcataca chasquingacuna.

EFESIOS 1:15

Chaimanta cancuna Apunchic Jesusta crishpa, Diospaclla cac tucui criccunahuan c'uyanacuita charishcata uyashpami,

EFESIOS 1:1

Ñucaca Taita Dios munashcamanta Jesús acllashca huillac Pablomi, Efeso pueblopi maijanlla Jesucristota crishpa Taita Diospaclla caccunaman caita quillcani.

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

ROMANOS 11:17

Maijan israelcunaca alli olivo yuramanta ramata p'itishca shinami. Shina cacpi can mana israelca, sachapi huiñashca olivo yuramanta ramata p'itishpa, alli olivo yurapi llutachishca shinami cangui. Shina cashpami, canca chai sapimanta huiñashca yura shina causaita japishcangui.

ROMANOS 8:29

Taita Diosca paipac Churi achca criccunamanta punta cachunmi, ñaupaman ricsishcacunataca callarimanta pacha paipac Churi Jesucristo shina cachun ch'icanyachirca.

SAN MATEO 25:40

Shina nicpi ñucaca: ‘Tucui caicunata cai yangalla shina ñuca huauquicunaman ruhuashpaca, ñuca quiquinmanmi ruhuarcanguichic. Chaica chashnatacmi’ nishami.

SAN MATEO 23:8

Ashtahuanpish cancunaca, shuclla Yachachictami charinguichic. Shinallatac huauquindiccunapura shinami canguichic. Chaimanta gentecuna ‘yachachic’ nishpa c'ayachunca, mana munanachu canguichic.

SAN MATEO 6:24

Maijanpish ishcai amotaca mana servi pudinchu. Chashna servicushpaca, shuc amotaca p'iñangami, caishuc amotaca c'uyangami. Shuc amo mandashcataca cazunga, caishuc amo mandashcataca mana cazungachu. Chashnami maijanpish charicyana yuyailla cashpaca, Taita Diostaca mana servi pudinga.

HECHOS 1:15

Chai punzhacunapica, Jesusta criccunaca pasac ishcai chunga shinami tandanacushca carcacuna. Paicunapac ñaupapimi Pedroca shayarishpa cashna nirca: