1 TIMOTEO 6:16 - Nuevo Testamento en Quichua Cañar 1996

¹⁶ Paillami huiñaita causacca. Paica pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

Dios Rimashcata Quillcashcami

¹⁶ Paillami huiñaita causacca. Pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

1 TIMOTEO 6:16 Referans Kwoze

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Taita Diostaca, huiñai huiñaita “allimari cangui, sumacmari cangui” nishunchicyari! Chashna cachun.

SAN JUAN 1:18

Taita Diostaca jaicapi pi mana ricushcachu. Shina cacpipish Taita Dioshuan shuc yuyailla causac, paipac shuclla Churi Diosllatac cashpami, Taita Dios ima shina cashcataca ricuchirca.

1 JUAN 1:5

Ñucanchicman ima shina Jesucristo yachachishcatami cancunamanca huillanchic. Taita Diosca achicyachic luzmi. Paipica ima amsapish mana tiyanchu.

COLOSENSES 1:15

Cristota ricushpami, pi mana ricushca Taita Diostaca ricunchic. Paica imapish manarac tiyacpi, ña tiyashca Taita Diospac Churimi.

SAN JUAN 6:46

Taita Diostaca pipish mana ricushcachu, ashtahuanpish Taita Diospacmanta shamushca ñucallami ricurcani.

APOCALIPSIS 22:5

Mandac Diosllatac achicyachicucpimi, tutaca ña mana tiyanga. Shina cacpimi intipish, achicyachic lamparapish achicyachingapacca mana tiyana canga. Shinallatac paicunaca huiñai huiñaitami mandangacuna.

APOCALIPSIS 4:11

—¡Ñucanchicta Mandac Dioslla, canca sumacmari cangui, allimari cangui, imatapish ruhuacmi cangui! Tucui ima tiyacpish cambac munaimantami ruhuarishca. Canmantami imapish tiyan. Shina cashcamanta cantaca alli ninatacmi canchic— nishpami, alli nicurcacunalla.

APOCALIPSIS 1:6

Shinallatac paimi ñucanchictaca paihuan mandaccuna cachun, paipac Taita Diospacta ruhuac curacuna cachunpish ruhuarca. ¡Jesucristotaca tucui mashna huiñaita “Jatun Mandacmi cangui, allimari cangui” nichun! Chashna cachun.

SAN JUDAS 1:25

¡Paitaca sarunpish, cunanpish, huiñaipacpish sumaimana jatun cashcamanta, imatapish ruhuaipac mandac cashcamantami, ñucanchic Apunchic Jesucristomanta alli nishunchicyari! Chashna cachun.

EFESIOS 3:21

¡Criccunaca Jesucristohuan shuc shinalla tucushcamantaca, huiñai huiñaita Taita Diostaca “sumacmari cangui” nicushunchic! Chashna cachun.

APOCALIPSIS 7:12

—¡Chashna cachun! Ñucanchic Taita Diosca sumac cashcamanta, yachac cashcamanta, alli nishca cashcamanta, imatapish ruhuaclla cashcamanta, jatun cashcamantapish, huiñaicamanmi alli nishpa pagui ninchic. ¡Chashna cachun!—nicurcacunami.

HEBREOS 13:8

Jesucristoca sarunpish, cunanpish, huiñai huiñaipacpish Paillatacmi.

APOCALIPSIS 21:3

Mandashpa tiyarinamanta sinchita shuc rimashca uyarishpaca: —Cunanca Taita Diosca gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Paillatacmi paicunahuanca causanga.

SAN JUAN 14:9

Shina nicpimi, Jesusca cashna nirca: —Felipe, ña unaitami cancunahuanca cani. ¿Chashna cashca jahuachu ñucataca mana ricsingui? Maijanpish ñucata ricucca ñuca Taitatapish ricunmi. ¿Ima nishpatac ñuca Taitataca ricuchi ningui?

APOCALIPSIS 1:8

Sarunpish, cunanpish, shinallatac shamucpish tucui imatapish ruhuac Mandac Diosca: “Ñucami callari A shina, tucuri Z shina tucuita callarichicpish, tucuchicpish cani” ninmi.

SAN JUAN 8:58

Shina nicpi Jesusca: —Manarac taita Abraham tiyacpimi, ñucaca ña tiyarcani. Chaica chashnatacmi can— nirca.

FILIPENSES 4:20

¡Chaimantami ñucanchic Taita Diosca huiñai huiñaita tucuipac alli nishca cachun! Chashna cachun.

SANTIAGO 1:17

Jahua pachapi imalla tiyashcatapish ruhuac Diosmantami, ima allita ruhuana yuyaipish, cashcata ruhuana yuyaipish shamun. Diosca huiñai huiñaicamanmi Paillatac can. Paica mana shuctacyashpa, huiñaitami achicyachicungalla.

1 JUAN 1:7

Ashtahuanpish Taita Dios achic luzpi cac shinallatac ñucanchicpish achicpi causacushpaca, shuc shinallami caishuc chaishuchuan canchic, shinallatac paipac Churi Jesucristopac yahuarca tucui juchacunatami p'ichan.

1 JUAN 4:12

Taita Diostaca jaicapi pipish mana ricushcachu. Shina cacpipish caishuc chaishuchuan c'uyanacushpa causacpica, Taita Diosca ñucanchichuanmi causan. Chashna c'uyanacushpami, Dios c'uyac cashcataca ashtahuan ricuchinchic.