1 TIMOTEO 6:12 - Nuevo Testamento en Quichua Cañar 1996

¹² Huiñai causaita japingapacca, macanacuipi mishac shina crishca yuyaihuan alli c'atingui. Cantaca achcacunapac ñaupapi “tucui shunguhuan crinimi” nicpimi, chai causaita japichun Taita Diosca acllashca.

Dios Rimashcata Quillcashcami

¹² Huiñai causaita japingapacca, macanacuipi mishac shina crishca yuyaihuan alli catingui. Cantaca achcacunapac ñaupapi “tucui shunguhuan crinimi” nicpimi, chai causaita japichun Diosca acllashca.

1 TIMOTEO 6:12 Referans Kwoze

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

1 TIMOTEO 1:18

C'uyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Taita Diospacta ruhuachun nishpa canmanca cai mandashcata mingani:

2 TIMOTEO 4:7

Ñucaca Jesusta crinata mana saquishpami, callpaipi mishac shina chai chayana cashcaman ña chayashcani.

APOCALIPSIS 3:3

Callaripi ima shina yachacushcataca yuyarishpa, Diosman cutirishpa c'atiraichic. Cancuna mana yuyarishpa Diosman mana cutiricpica, cancuna mana yuyashca horasmi shuhua shamuc shina cancunapacman shamusha.

1 TIMOTEO 6:13

Cantaca tucui cai pachapi causaita cuc Taita Diospac ñaupapi, shinallatac mandac Pilatoman cashcata nishpa allitac huillac Jesucristopac ñaupapimi, caicunataca mandani.

1 JUAN 2:25

Jesucristoca huiñai causaitami ñucanchicmanca cusha nishca.

HEBREOS 6:18

Taita Diosca paipac shimihuan cushami nishcamanta, shinallatac Dios manatac llullac cashcamantaca, pai cushami nishcata tucui shunguhuan shuyashpa, pai huacaichichun munaccunaca cushicuitami japishcanchic.

2 TIMOTEO 1:9

Taita Diosmi paipaclla causachun nishpami, ñucanchictaca quishpichishpa c'ayarca. Mana ñucanchic ima allita ruhuashcamantachu quishpichirca, ashtahuanpish Taita Dios c'uyashcallamantami, Jesucristohuan ñucanchic shuc shinalla tucucpi quishpichirca. Cai pacha manarac tiyacpimi, ñucanchictaca Taita Diosca c'uyashpa, chashnaca ruhuasha nishca.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Taita Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.

1 TIMOTEO 6:19

Chashna ruhuashpami, q'uipa punzhapi huiñai causaita japingapac ña utcashpa mana chingaric allicunata ruhuacuncuna.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

1 TESALONICENSES 2:12

Shinallatac “Diospac huahuacuna ima shina causana cashca shina causaichic” nishpami yachachircanchic. Cancunataca Diosllatacmi paihuan mandachun, shinallatac sumac cachunpish acllarca.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Shinallatac c'amishpa rimacpipish, ama cancunapish chai shinallatac rimaichicchu. Chaipac randica Taita Dios allicunata cuchun nishpa munaichic. Taita Diosca allicunata chasquichunmi, cancunataca c'ayarca.

2 TESALONICENSES 2:14

Chashnaca ñucanchic Apunchic Jesucristohuan sumaimana llactapi causagrichunmi, ñucanchicman alli huillaita huillachishpa, Diosca cancunataca c'ayarca.

2 CORINTIOS 9:13

Cancuna Cristomanta huillacushca alli huillaita cazushcamanta ayudacushcata yachashpami, paicunamanpish shinallatac shuccunamanpish tucui shunguhuan ayudashcamantaca, paicunaca Taita Diostaca “allimari cangui” ningacuna.

HEBREOS 13:23

Jesusmanta ñucanchic huauqui Timoteo ña carcelmanta llucshishcata yachachunmi munani. Pai utca shamucpica, paihuanmi cancunata ricungapac shamusha.

2 CORINTIOS 6:7

Ñucanchic huillacushca chashnatac cashcamanta, shinallatac Taita Dios imatapish ruhuaclla cashcamantami, chashnaca causanchic. Chashnami ñucanchicca macanacungapacpish, misaringapacpish cashcata ruhuashpa causanchic.

FILIPENSES 1:30

Ñuca ima shina llaquita apactaca, cancunaca ñami ricurcanguichic. Cunanpish llaquita ñuca apacushcataca yachanguichicmi. Chashnami cancunapish, ñucapish alli huillaimantaca llaquita apana cacpipish, mana manchashpa c'aticunchic.

1 TIMOTEO 1:19

Cambac yuyai ama juchanchishca cachunca, alli crishpa c'atingui. Maijancunaca quiquin yuyaipi mana jarcarishpami, yacupi aguaric shina crishcata saquishpa, llaqui tucushcacuna.

1 TIMOTEO 4:14

Criccunata pushaccuna cambac uma jahuapi maquita churashpa mañacpica, Dios imata ruhuachun cushcata pacta cungaringuiman. Paicunaca Taita Dios yuyaita cucpimi, chashnaca ruhuarcacuna.

2 TIMOTEO 2:2

Tauca gentecunapac ñaupapimi ñuca ima yachachishcataca uyarcangui. Chaitaca yachachinata pudic alli criccunaman, paicunapish shuccunaman yachachichun mingai.

SAN JUDAS 1:3

C'uyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita c'atina cacpimi, cai quillcata cachani.