1 TIMOTEO 6:11 - Nuevo Testamento en Quichua Cañar 1996

¹¹ Ashtahuanpish cantaca Diospacta ruhuac cashcamantaca, tucui chai mana allicunamanta anchurichun ninimi. Cantaca cashcata ruhuashpa, Taita Diosllata yuyarishpa, crishca yuyailla c'uyaihuan mana p'iñariclla, shinallatac c'uyac shunguhuan causanata munachunmi nini.

Dios Rimashcata Quillcashcami

¹¹ Ashtahuanpish canca Diospacta ruhuac cashcamantaca, tucui chai mana allicunamanta anchurishpa, cashcata ruhuashpa, Diosllata yuyarishpa, crishca yuyailla cuyaihuan mana piñariclla, shinallatac cuyac shunguhuan causanata munachunmi nini.

1 TIMOTEO 6:11 Referans Kwoze

2 TIMOTEO 2:22

Huambracunapac yuyaita saquishpa, imapish cashcallata ruhuashpa, alli crishpa, tucui shungumanta Taita Diosman mañaccunahuan tandarishpa, c'uyaihuan apanacushpa sumacllata causangui.

2 TIMOTEO 3:17

Chashna yachachishca cashpami, Diospacta ruhuaccunaca imatapish allita ruhuangapac allichirishca canga.

1 TIMOTEO 4:12

Criccuna canta ricushpa allita causachunca, allita ruhuashpa, alli shimicunata rimashpa, alli c'uyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

HEBREOS 12:14

Diospaclla mana causashpaca, pipish Apunchic Jesustaca mana ricungachu. Chaimanta Diospaclla causashpa, tucui mashnahuan apanacushpa, alli causanata munaichic.

1 CORINTIOS 10:14

Chaimanta c'uyashca criccuna, ruhuashcalla dioscunata adoranamanta anchurichic.

1 PEDRO 3:11

Millaimanta anchurishpa, allita ruhuanami can. Shuccunahuan sumacta causanata munashpa, chashnalla causanami can.

1 CORINTIOS 6:18

Huacllirinamantaca anchurichic. Maijanpish ima shuctac juchata ruhuashpaca, mana paipac cuerpota imata ruhuanchu, ashtahuanpish maijan cashpapish huaclliricmi, paipac quiquin cuerpota huacllichishpa, juchahuan mapayachin.

1 TIMOTEO 5:10

Paicunaca paicunapac huahuacunata alli huiñachic, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuaccunami cana can. Tucui cai allicunata ruhuashcamantami, tucuipac alli nishca cana can.

1 CORINTIOS 14:1

Tucuimanta yallica, c'uyaita charinata yuyaichic. Shinallatac Diospac Espíritu imata ruhuac cachun cushcacunata yallita munaichic. Yallicarin Taita Dios ima nishcata huillac canata munaichic.

ROMANOS 14:19

Chashna cashcamanta caishuc chaishuc ima shina sumacta causanatapish, ima shina ashtahuan ayudanacunatapish munashunchic. Ayudanacushpa, Jesusta alli ningapacca imapipish mana p'iñanacunallata munashunchic.

1 TIMOTEO 6:20

Timoteo, tucui canman mingashcacunataca allita huacaichingui nishpami mandani. “Caicunaca alli yachanami” nishpa, p'iñanacuipi churac yanga yachanacunataca pacta uyanguiman.

1 TIMOTEO 1:14

Chashnami ñucanchic Apunchic Jesucristohuan shuc shinalla tucucpica, c'uyaitapish, crina yuyaitapish, ñucata yallita c'uyashcamanta Apunchic Jesucristoca curca.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

2 TIMOTEO 3:10

Chashna cacpipish canca ñuca yachachishcatapish, ñuca ima shina causacushcatapish, ima yuyaita charishcatapish, mana utca p'iñaric cashcatapish, cric cashcatapish, c'uyac cashcatapish,