1 TIMOTEO 5:6 - Nuevo Testamento en Quichua Cañar 1996

⁶ Ashtahuanpish quiquin munaillata ruhuashpa causac viuda huarmica, causacushpapish huañushca shinami.

Dios Rimashcata Quillcashcami

⁶ Ashtahuanpish quiquin munaita ruhuashpa causac viudaca, causacushpapish huañushca shinami can.

1 TIMOTEO 5:6 Referans Kwoze

SANTIAGO 5:5

Cancunaca cai pachapi causacushpaca, imatapish randishpa cushicushcanguichicmi. Shinallatac sumac micunacunata micushpaca, huañuchina punzha chayacpi, huañuchina huagracuna shinami huirayashcanguichic.

APOCALIPSIS 18:7

Pai jatun tucushpa munashcata ruhuashpa, cushicushpa causashcamantaca, ¡chai shinallatac llaquichichic! Paica paipac shungupica: ‘Jatun mandac huarmi shinami tiyacuni. Cusa illacpish mana canichu, shinallatac llaquillapish mana canichu’ nishpami niricun.

APOCALIPSIS 3:1

Sardis pueblopi cac tandanacushca criccunata ricuc angelmanpish cashna nishpa quillcai: Diospac canchis Espirituta shinallatac canchis lucerota charicucca, cashnami nini: Ñucaca cancuna imata ruhuacushcatapish, shinallatac ‘causacunmi’ nishca cashpapish huañushca shina cashcatami yachani.

SAN LUCAS 15:24

Cai ñuca churica, huañushca shina chingarishcami carca. Cunanca causaric shinami cutimushca’ nirca. Chaimantaca munaimi cushicui callarircacuna.

SAN LUCAS 15:32

Cai cambac huauquica, chingarishcamantaca huañushca shinami carca. Cunan cutimushpaca, causarishca shinami. Chashna cashcamantami jatun micuita ruhuashpa, cushicuna canchic’ ” nirca.

EFESIOS 5:14

Chashna achic luzman llucchicpica, imapish luzpimi canga. Chaimantami: “Suiñushcamanta ricchari, huañushcacunapuramanta jatari. Cristomi cantaca achicyachinga” nincuna.

EFESIOS 2:1

Ñaupaca Diosta mana cazushpa, juchata ruhuashpa causacushcamantami, cancunaca huañushca shina carcanguichic.

SAN LUCAS 15:13

Chai q'uipa churica asha punzhacuna q'uipa tucui pai japishcacunata c'atushpa, cullquita tandachishpaca, caru llactamanmi rirca. Chai caru llactapimi maipish cachun causashpa, tucui pai charishcacunataca tucuchirca.

SAN MATEO 8:22

Chashna nicpi Jesusca: —Saqui, huañushca shina causaccuna huañushcacunata enterrachun. Canca ñucata c'atilla— nirca.

COLOSENSES 2:13

Cancunaca ñaupaca juchata ruhuashcamantapish, shungumanta mana circuncisionta ruhuashcamantapish huañushca shinami carcanguichic. Chashna cacpipish Taita Diosca juchacunata perdonashpami, Jesucristohuan pacta causachirca.

EFESIOS 2:5

Chashna c'uyashpami, ñucanchic juchata ruhuashcamanta huañushca shina cacpi, Cristohuan pacta ñucanchictapish causachirca. Taita Dios c'uyashcallamantami, cancunaca quishpirishca canguichic.

SAN LUCAS 12:19

Chashna huacaichishpaca, tauca huatapacmi charisha. Cunanca cushicushpa, micushpa, ubiashpa samarishami’ niricurca.

SAN LUCAS 7:25

Mana cashpaca, ¿imatatac ricugrircanguichic? ¿Shuc alli churanata churashca runatachu ricugrircanguichic? Chashna alli churanata churashcacunaca, chayuccunahuanmi cushicushpa, jatun mandaccunapac huasicunapi causan.

SAN LUCAS 16:19

Shuc chayuc runami tiyarca. Chai runaca punzhantami achca valic churanata churarishpa, alli micunallata micushpa cushicuc carca.

2 TIMOTEO 3:6

Paicunapuramanta maijancunaca huasicunaman yaicushpa, ima nishcatapish criclla huarmicunata crichincunallami. Chai huarmicunaca tucui laya juchayuccuna, shinallatac tucui millai munai apashcami cancuna.