1 TIMOTEO 5:14 - Nuevo Testamento en Quichua Cañar 1996

¹⁴ Chashna cashcamantami huambrarac viuda huarmicunataca cazarashpa, huahuacunata charishpa, quiquin huasipi sumacta causachun nini. Chashna causacpimi, criccunata p'iñaccunaca mana juchanchingacuna.

Dios Rimashcata Quillcashcami

¹⁴ Chaimantami huambrarac viudacunataca cazarashpa, huahuacunata charishpa, quiquin huasipi sumacta pushashpa causachun nini. Chashna cacpimi, criccunata piñaccunaca mana juchanchingacuna.

1 TIMOTEO 5:14 Referans Kwoze

TITO 2:5

Shina yachachicpimi, paicunapish alli yuyaihuan purishpa quiquinllatac huacaichirinatapish, cusata cazunatapish, shinallatac huasipi ima tiyashcata allita ricunatapish yachacunga. Shina cacpimi, Diosmanta huillashcataca pipish mana allichu nishpa mana rimangacuna.

1 TIMOTEO 6:1

Amo randishcamanta huatashca shina serviccunata, paicuna Diosta cric cashcamanta paicunapac amocunata alli cazuchun yachachingui. Chashna cazucpimi, Taita Diostapish shinallatac ñucanchic yachachishcatapish mana allichu nishpa pi mana rimangacuna.

TITO 2:8

Shinallatac ama pi juchanchichunca, rimana cashcallata rimangui. Shina rimacpimi, maijanpish ñucanchicta p'iñaccunaca pingashpa, mana imata ni pudingacuna.

1 TIMOTEO 4:3

Chai yachachiccunaca cazaranapish, maijan micunata micunapish mana allichu nincunami. Ashtahuanpish Taita Diosca cashcata yachac criccunamanca paita pagui nishpa micuchunmi, chaicunataca ruhuarca.

HEBREOS 13:4

Cazaranataca tucui mashnallatac alli nichic. Ama shuccunahuan huacllirishpa causaichicchu. Mosocunapish, cazadocunapish huacllirishpa causaccunataca Taita Diosca taripashpa llaquichingami.

1 TIMOTEO 5:11

Manarac sucta chunga huatata charic viudacunataca, tandanacushca cric viudacunapac quillcanapica ama quillcanguichu. Paicunaca mana alli yuyaicuna shamucpi Cristopacta ruhuanata saquishpa, cutin cazarasha ningacunami.

1 TIMOTEO 2:8

Jesusta cric c'aricunaca, maipi cashpapish mana p'iñarishpa, imatapish mana rimanacushpa, jahuaman maquita chutashpa alli shunguhuan Taita Diosman mañachunmi munani.

2 CORINTIOS 11:12

Imata mana chasquishpa, ñuca huillashpa cushicuc shina, chai llullashpa puriccuna huillashpa ama cushicuchunmi, ima shina ruhuacuc shinallatac ruhuashpa c'atisha.

ROMANOS 14:13

Chaimanta ñucanchicca caishucta chaishucta mana allichu nishpaca, mana rimanachu canchic. Chaipac randica, shuctac criccuna pandarishpa ama urmachunca, ima millaita mana ruhuanatami yuyana canguichic.