1 TIMOTEO 3:8 - Nuevo Testamento en Quichua Cañar 1996

⁸ Shinallatac criccunata ayudaccuna cangapacca, mana machac, mana llullac, cullquita japingaraicu imapish millaita mana ruhuac, tucui gentecunapacpish alli nishcami cana can.

Dios Rimashcata Quillcashcami

⁸ Shinallatac criccunata ayudaccunaca, mana machac, mana llullac, cullquita japingaraicu ima mana allitac mana ruhuac, tucui gentecunapacpish alli nishcami cana can.

1 TIMOTEO 3:8 Referans Kwoze

FILIPENSES 1:1

Ñucanchicca Apunchic Jesucristopacta ruhuaccuna cashpami, Pablohuan Timoteohuan tucushpa, Filipos pueblopi causac tandanacushca criccunata pushaccunaman, ayudaccunaman, shinallatac Jesucristohuan shuc shinalla tucushca, Diospaclla cac tucui criccunamanpish caita quillcashpa cachanchic.

TITO 2:3

Shinallatac ñaupa huiñai huarmicunataca criccuna ima shinami causana shinallatac causashpa, mana huashalla parlaric, mana machac, ashtahuanpish allita yachachishpa causachun yachachingui.

1 TIMOTEO 5:23

Ama huicsa nanaihuan ungushcalla cangapacca, asha vinotapish ubiangui. Ama yacullata ubianguichu.

1 TIMOTEO 3:3

Shinallatac mana machac, p'iñanacunatapish mana munac cana can. Chaipac randica pitapish llaquic, ima p'iñanacui tiyacpipish allichic, cullquita charinata mana yalli munacmi cana can.

SANTIAGO 3:10

Chai shimillahuantacmi alli ninchic, shinallatac “imapish tucushca canman” ninchic. Ñuca c'uyashca criccuna, chaica mana chashnachu cana can.

TITO 1:7

Maijanpish tandanacushca criccunata pushac cashpaca, Dios mingashcata ruhuac cashcamanta pi mana juchanchishca, mana utca p'iñaric, mana machac, pihuanpish mana p'iñanacuc, mana jatun tucushca, cullquita charingaraicu ima mana allita mana ruhuacmi cana can.

1 TIMOTEO 3:12

Criccunata ayudaccunaca shuc huarmiyuclla, shinallatac huahuacunatapish huasi ucupuratapish allita yachachicmi cana can.

1 PEDRO 5:2

Dios cancunaman mingashca criccunataca ovejacunata michic shina, tucui shunguhuan alli ricuraichic. Pi ruhuai nishcallamanta, cullquita japingaraicullapish ama ruhuaichicchu, ashtahuanpish Dios munashca shina, mana q'uillanachishpa ricuraichic.

ROMANOS 3:13

Paicunapac shimi rimashcapish sepulturata pascashca shinami. Paicunapac c'allupish llulla c'allumi. Paicunapac parlanacushcapish culebrapac veneno shinami huañuchin.

1 TIMOTEO 3:2

Shina cashcamanta tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, mana yalli pucllaric, mana maipish cachun causac, huasiman chayaccunatapish alli chasquic, yachachinatapish alli yachachicmi cana can.