Biblia Todo Logo
Bib sou entènèt

- Piblisite -




1 TIMOTEO 3:16 - Nuevo Testamento en Quichua Cañar 1996

16 Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

Gade chapit la Kopi

Dios Rimashcata Quillcashcami

16 Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

Gade chapit la Kopi




1 TIMOTEO 3:16
81 Referans Kwoze  

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.


Diospac Churica Dios ima shina sumaimana achiclla cashcatami ricuchicun. Diosca Pai shinallatacmi can. Diospac Churica tucui ima tiyashcatapish, paipac imatapish ruhuaclla cashca rimashcahuanmi mandacun. Paica ñucanchic juchata p'ichashca q'uipami, jahua pacha Taita Dios maipi mandacucpi alli maquiman tiyarigrirca.


Apunchic Jesús paipac yachacuccunata chashna mandashca q'uipaca, Taita Dios paita pushacpimi, jahua pachaman rirca. Chaipimi paipac alli lado maquiman tiyarirca.


¡Alli huillaita ñuca huillashca shina, shinallatac Jesucristomanta yachachishca shina cancunata alli c'aticta ruhuac Taita Diostaca alli nishunchic! Pai chashna ruhuashpaca, cai pachata manarac ruhuashca punzhamanta pacha pacashca tiyacushcatami ricuchin.


Chashna mana ricuricpi mancharishpa shayacucpimi, yuraclla, jagan nicuc churana churashca ishcai runacuna paicunapac ñaupapi ñapish ricurircacunalla.


Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyacunamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.


Causaita cuctaca Taita Dios cachacpimi ricurcanchic. Chaita ricushpami paimanta cancunaman huillanchic, shinallatac chaica huiñai causaita cuc cashcata huillanchic. Paica Taita Dioshuanmi carca. Chaimanta shamushpami, ñucanchicmanca ricurirca.


Jesucristomi jahua pachaman rishpa, Taita Diospac alli maquiman tiyacun. Paimi angelcunatapish, poderta charic mandac espiritucunatapish mandacun.


Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.


Paicuna tucui shunguhuan crishpa, c'uyanacushpa, sinchiyashpa c'atichunmi, chashnaca ruhuacuni. Chashna ruhuacpimi, Dios pacashca ima shina cashcataca tucui allita yachanga. Chaica Cristomi.


Chashnami Taita Diosca paipaclla causaccunaman yachachishpa, pacashca cashca sumaimana alli cashcata tucui gentecunaman ricuchisha nirca. Chai pacashca huillasha nicushcaca, cancunapi causacuc Cristomi can. Cristo cancunapi causacushcamantami, japina cashca sumaimana cashcataca ricuna yuyailla canguichic.


Cai alli huillaita huillashcami alli grano p'ucuc shina, tucui llactacunapi mirarishpa c'aticun. Chai shinallatacmi cancunapurapipish Diospac c'uyaimanta parlanacucta uyashpa, Dios mai c'uyac cashcatatac yachashca punzhamanta pacha mirarishpa c'aticun.


Chashna mañacucpimi, jahua pachamanta ángel shamushpa llaquita apachunlla sinchiyachirca.


Jesusca bautizancami yacumanta llucshirca. Shina llucshishpaca, jahua pacha pascaricpi, Diospac Espíritu paloma shina paipac jahuaman uriyamucuctami ricurca.


Jesucristo ñucanchic juchacunata anchuchingapac cai pachaman shamushcataca yachanguichicmi. Paica ima juchata mana charinchu.


Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.


Taita Diosmanta yachachishcacunataca, chashnatac cashcamanta mana caita chaita yuyashpa alli c'aticmi cana can.


Chashna ricushpami, ishcai angelcunata shucca Jesuspac cuerpota churashca uma ladoman, shucca chaqui ladoman yuranlla churashca tiyacucta ricurca.


Pai huillashpaca: “Manarac c'arihuan chayarinacushca shuc solterami, huicsayuc tucushpa, shuc c'ari huahuata charinga. Chai huahuaca Emanuel shutimi canga” nishcami. (Emanuel nishpaca: “Dios ñucanchichuan” nisha ninmi).


Chai q'uipaca tucui llactacunamantapish, tucui aillucunamantapish, tucui laya rimaita rimaccunamantapish, shinallatac tucui laya gentecunamantapish pi mana yupaipac gentecunami mandashpa tiyarinapac ñaupapi, shinallatac Pactalla Ovejapac*f** ñaupapi shayacuctami ricurcani. Paicunaca yuraclla churanata churarishca, maquipica ramoscunatami charicurcacuna.


Diosca cai pachata manarac ruhuashpami, Cristotaca huañushpa gentecunata quishpichichun nishca. Shina cashpami, cai tucuri punzhacunapi cancunapac allipac quishpichingapac shamurca.


Maijanpish allicunata chasquicca, allicunata cuchun mañacmantaca mana yallichu. Chaitaca pipish mana chashnachu nishpaca, mana ningachu.


Alli huillaita huillashpa, chai pi mana yachashcata mana manchashpa, imata nina cashcallata huillachunca, Dios yuyaita cuchun ñucamantapish Diosman mañaichic.


pai munashcamanta ñaupaman cusha nishca pacashcataca, Cristomanta ñucanchic japichun ricuchirca.


Shina cacpipish cachana punzha pactacpimi, Taita Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.


Puntaman Taita Dios ruhuashca Adanca allpallamantami carca. Chaipac q'uipa Adanmi, jahua pachamanta shamushca carca.


Ñucanchicca huiñaita sumac llactapi causagrichunmi, pipish mana yachashca, cai pachata Taita Dios manarac ruhuashpa, huacaichishpa charicushca yachaicunata huillacunchic.


Shina cacpipish: “Cristomanta huillashcataca, ¿manachu uyarcacuna?” nishpami tapuni. ¡Paicunaca uyarcacunami! Dios quillcachishcapica: “Paicuna huillashcaca tucui cai pachapimi uyarishca. Shinallatac paicuna rimashcacunaca allpa tucuricamanmi uyarishca” ninmi.


Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.


Pedrota israelcunapacman Jesusmanta huillachun cachac Taita Diosllatacmi, ñucatapish mana israelcunaman Jesusmanta huillachun cacharca.


Paicunaca ñucanchic ñaupa taitacunapac huahua huahuacunami can. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.


Chaimantami Pedro huillai callarishpaca: —Pi cashpapish Taita Diospac ñaupapica: ‘Caica allimi, chaica mana allichu’ ninaca mana alli cashcataca, cunanmi alli yachani.


Taita Diosmi paipac shuclla Churita juchayuc gentecunapac randi runa tucushpa, llaquita apashpa, juchacunamanta Diosman cushca shina huañuchun cacharca. Moisés mandashcacunata gentecunapac munaillamanta mana pactachipac cacpimi, chashnaca ruhuarca. Chai shina ruhuashpami, gentecunapi tiyac juchataca tucui chingachirca.


Antioquía puebloman chayashpaca, chaipi causac tucui criccunatami tandachircacuna. Chashna tandachishpami, Taita Dios paicunahuan cacpi ima allicunata ruhuashcatapish, shinallatac mana israelcunacaman*f** quishpirichun Taita Dios saquishcatapish parlarcacuna.


Cai pachaman shamungapacmi ñuca Taitapacmanta llucshircani. Cunanca cai pachata saquishpami, ñuca Taitapacman cutigrini— nirca.


Jesusca Taita Dios cachashca shamushcatapish, paipacman cutina cashcatapish, shinallatac pi mana ruhuaipaccunata Taita Dios ruhuachun cushcatapish yacharcami.


Chashna mañacushpaca paicunamanta anchurishpa, Taita Dios apacpi jahua pachaman rircallami.


Chashna macharicpimi angelca: —¿Ima nishpatac yallita mancharingui? Chai huarmipi quillcashca imata nisha nicushcatapish, chai manchana animal canchis umayuc, chunga gachuyuc imata nisha nicushcatapish ñami huillagrini.


Chai huarmipac frentepica pipish mana ricsishca quillcami tiyacurca. Chaipica: “¡Jatun Babilonialla! Huacllirishpa causaccunapacpish, cai pachapi imatapish millaita ruhuaccunapacpish mamami cangui” nishpa quillcashcami carca.


Cancunaman ñucanchic nicushcamanta ashtahuan yallica, curacunata jatun mandac curatami charinchic. Paica jahua pachaman rishpami, Taita Dios maipi mandacucpi alli maquiman tiyacun.


Chai mana alli ruhuanaca ñami callarishca. Chaitaca Dios yuyaita cucllapimi yachac chayangacuna. Chai millai ricurinata jarcacucllapimi, manarac ricurin. Ña chai jarcacucta anchuchicpica,


Shamuc punzhapi Apunchic Jesucristo cutimushpaca, tucui paipaclla cac criccuna paita alli nishpa, mana amirichunmari shamunga. Chaipica cancunapish ñucanchic huillashcata crishcamantaca canguichic.


Chashna tucushcata Jerusalenpi tucui causaccuna yachashpaca, chai allpataca paicunapac quiquin rimaipimi ‘Acéldama’ shutita shutichircacuna. ‘Acéldama’ nishcaca, ‘Yahuar Allpa’ nisha ninmi.


Cunanca ñuca Taitalla, cai pacha manarac tiyacpi, ima shinami cambac ladopi sumacyachishca carcani, shinallatac cunanpish sumacyachiyari.


Ashtahuanpish Taitamanta ñuca cachashca Cushichic Diospac Espíritu shamushpami, ñuca ima shina cashcataca huillanga. Paica cashcata nicmi.


Shina cashpaca, Runa Tucungapac shamushca*f** ñuca puntaman maipi cashcallamantac ricta ricushpaca, ¿imashi tucunguichicman?


Mana Israelpura*f** gentecunamanpish, paica achicyachic shinami yuyaita cunga. Can acllashca israelcunatapish, paimantami alli ningacuna” nirca.


Chai ucuman yaicushpaca, alli lado maquiman shuc moso sunilla yurac churanata churashca tiyacuctami ricurcacuna. Paita ricushpaca, munaimi mancharircacuna.


Chai sacha animalcunalla tiyac shitashca pambapi Jesús chuscu chunga punzhacunata cacpimi, Satanasca*f** caita chaita ruhuai nishpa, pandachisha nirca. Chaipica angelcunami Jesustaca servingapac shamurcacuna.


Paicuna ña chayacucpimi, cungailla allpa ima mundota chucchurca. Chaica Taita Dios cachashca angelmi jahua pachamanta shamushpa, Jesusta enterrashcata huichcashca rumita anchuchishpa, chai rumi jahuallapitac tiyarirca.


Chashna tapucpimi Jesusca: —Taita Diosca pai mandacucmantaca, pimanpish mana yachachishcatami cancunamanca yachachishca, ashtahuanpish shuccunamanca mana chashna yachachishcachu.


Shina nicpimi, diabloca saquishpa rircalla. Chai q'uipami angelcunaca Jesusta servingapac shamurcacuna.


Cristoca ñucanchic juchacunamantami, shuc cutinlla huiñai huiñaipac llaquita apashpa huañurca. Paica ñucanchicta Taita Diospacman pushangapacmi, manapish juchayuc cashpa, millaicunamanta llaquita apashpa huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.


Israelcunapish, mana israelcunapish chai shinallatac cacpimi, Apunchic Jesusca tucuipac Mandac can. Shina cashcamantami maijanpish mañaccunamanca imatapish yallita cun.


¡Chaica mana chashnachu! Tucui gentecuna llullac cacpipish, Taita Diosca ima nishcata pactachic cashcamantaca pactachingami. Dios quillcachishcapica: “Can imata nishcapish allillatacmi canga. Canman imata tapucpipish, mana juchanchishcachu llucshingui” ninmi.


Huiñaita causacuc Taita Dios mandashca shinami, cunanca chai pacashcataca ñaupa huillaccuna quillcashca shina ricuchin. Cai pacashcataca tucui cai pachapi causaccuna crishpa cazuchunmi ricuchishca.


Silvanopish, Timoteopish shinallatac ñucapish cancunaman huillacushca, Diospac Churi Jesucristoca mana chai ratollatac “ari”, chai ratollatac “mana” nicchu carca. Jesucristoca Taita Dios ari nishcata pactachictacmi.


Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.


Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.


Davidllatac Cristotaca: ‘Ñucata Mandacmi’ nicpica, ¿ima shinatac Cristoca Davidpac aillupurallaca cangayari?— nirca.


Swiv nou:

Piblisite


Piblisite