1 TIMOTEO 3:13 - Nuevo Testamento en Quichua Cañar 1996

¹³ Criccunata ayudaccunaca chashna allita ruhuashpami, tucui criccunapacpish alli nishca canga. Chashna cashpami Apunchic Jesusta crishcatapish mana manchashpa huillangacuna.

Dios Rimashcata Quillcashcami

¹³ Criccunata ayudaccuna chashna allita ruhuashpaca, alli nishcami cangacuna. Apunchic Jesusta crinamantapish mana manchashpami huillangacuna.

1 TIMOTEO 3:13 Referans Kwoze

SAN MATEO 25:21

Chashna nicpi amoca: ‘Canca allitami ruhuashcangui. Ñucapacta alli yuyaihuan, allita ruhuacmi cangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui’ nirca.

HEBREOS 6:10

Cashcata ruhuac Taita Diosca cancuna imata ruhuashcatapish, paipaclla caccunatapish cunan ima shina ruhuacuc shinallatac c'uyaihuan servishpa causacuccunataca, manatac cungaringachu.

2 TIMOTEO 2:1

Ñuca c'uyashca huahua shina Timoteo, canca Jesucristohuan shuc shinalla cashcamanta, Dios c'uyashpa allicunata cushcahuanca ashtahuan sinchi tucuiyari.

1 TESALONICENSES 2:2

Filipos pueblopi ñucanchicta yallita c'amishpa, llaquichishca cashcataca yachanguichicmi. Shinallatac cancunapacman chayashpa ñucanchic llaquihuan cashpapish, Diosllatac mana manchashpa cancunaman paimanta alli huillaita huillachun yuyaita cushcatapish yachanguichicmi.

FILIPENSES 1:14

Shinallatac ñuca caipi prezu cacta yachashpami, maijancunalla saquirishpa achca criccuna ashtahuan sinchi cric tucushpa, Apunchic Jesusmanta mana manchashpa, Diosmanta alli huillaita huillacuncuna.

1 CORINTIOS 16:15

C'uyashca criccuna, Acaya llactapi quishpirinamanta alli huillaita huillacpica, Estéfanas paipac familiandic punta cric tucushcataca cancunallatac yachanguichicmi. Paicunami shuctac criccunataca servina yuyailla causancuna.

HECHOS 21:35

Tucui mashna Pablota p'iñarishpa c'atimucucpimi, soldadocunaca paicuna causana huasiman yaicuna gradascaman chayashpaca, Pablota huandushpa huichicuchircacuna.

HECHOS 6:15

Chaipi tucui tiyacuc mandaccuna Estebanta ricushpaca, paipac ñahuica ángel shina cashcatami ricurcacuna.

HECHOS 6:8

Estebanca Dios c'uyashca cashcamantami, imatapish ruhuaclla carca. Chaimantami pi mana ruhuaipaccunatapish, pi mana ricushcacunatapish israelcunapurapica*f** ruhuac carca.

HECHOS 6:5

Paicuna chashna nishcaca, tucui criccunapac yuyaipica allimi carca. Chaimantami Estebanta acllarcacuna. Paica Diospac Espirituhuan cashpami, alli cric carca. Chashnallatac Felipeta, Procorota, Nicanorta, Timonta, Parmenasta, israelcuna*f** yachachishcata c'atic, Antioquía pueblomanta Nicolastapish acllarcacuna.

SAN LUCAS 19:17

Chashna nicpi chai mandacca: ‘Canca alli runami cangui. Allitami ruhuashcangui. Ashallata mingacpipish, alli ruhuashcamantaca chunga pueblocunatami mandangui’ nirca.

SAN MATEO 20:28

Chai shinallatacmi Runa Tucungapac shamushca*f** ñucaca, servichingapacca mana shamurcani, ashtahuanpish servingapac, shinallatac achcacunamanta huañushpa quishpichingapacmi shamurcani— nirca.

1 TIMOTEO 3:14

Canta ñalla ricugrina yuyailla cashpapish, caita quillcashpami cachani.