1 TIMOTEO 1:19 - Nuevo Testamento en Quichua Cañar 1996

¹⁹ Cambac yuyai ama juchanchishca cachunca, alli crishpa c'atingui. Maijancunaca quiquin yuyaipi mana jarcarishpami, yacupi aguaric shina crishcata saquishpa, llaqui tucushcacuna.

Dios Rimashcata Quillcashcami

¹⁹ Cambac yuyai ama juchanchishca cachunca, crishcata alli huacaichingui. Maijancunaca quiquin yuyaipi mana jarcarishpami, yacupi aguaric shina crishcata saquishpa, llaqui tucurcacuna.

1 TIMOTEO 1:19 Referans Kwoze

1 TIMOTEO 3:9

Taita Diosmanta yachachishcacunataca, chashnatac cashcamanta mana caita chaita yuyashpa alli c'aticmi cana can.

APOCALIPSIS 3:10

Cancuna ñuca mandashcacunata pactachinataca ‘saquishallami’ ninataca mana nishcanguichicchu. Chaimantami shamuc punzhapi cai pachapi causaccuna ima shina cashcata ricungapac llaquicuna shamucpi, cancunatapish huacaichisha.

1 TIMOTEO 6:9

Imatapish charina yuyaihuan cacpimi, millai munaicunaca muspachishpa, tucllapi urmachic shina gentecunataca llaquiman apan. Chashnami huiñaita chingarincuna.

TITO 1:9

Shinallatac paica Diosmanta ima shina yachachishca shinallatacmi yachachina can. Cashcata nic huillashcata chashna yachachishpami, shuccunamanpish yuyaita cushpa, “mana chashnachu” niccunatapish upallachinga.

APOCALIPSIS 3:8

Ñucaca cancuna imata ruhuacushcataca tucuimi yachani. Riquichic, cancunapac ñaupapica pi mana huichcaipac punguta shinami ñucamanta huillachunca pascashpa churashcani. Shina mana tucuita ruhuaipac cashpapish, ñuca nishcataca pactachishcanguichicmi, shinallatac ñucata ‘mana ricsinichu’ ninatapish mana nishcanguichicchu.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

2 TIMOTEO 4:4

Shinallatac cashcata nic huillashcataca manatac uyashun nishpami, imapish yanga parlocunallata uyangacuna.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

1 TIMOTEO 6:21

Chai yachachishcata c'atishpami, maijancunaca crishcata saquishcacuna. Taita Diosca paipac sumaimana c'uyaita canman cushca cachun ninimi.

1 TIMOTEO 1:5

Caita mandashpaca, shungupi mana mapa yuyaihuan, pipish mana juchanchishca, mana nic tucushpalla crishpa, caishuc chaishuchuan c'uyanacuchunmi nini.

GÁLATAS 5:4

Maijan cancunapurapi Moisés mandashcacunata pactachishpalla Taita Dioshuan alli tucushun nishpaca, Cristomanta caruyashpami Dios mai c'uyashcamantapish ch'icanyarishcacuna.

1 CORINTIOS 11:19

Cancunapurapi alli cric cashca ricurichunca, ch'icanyarinacui tiyanami alli can.

APOCALIPSIS 3:3

Callaripi ima shina yachacushcataca yuyarishpa, Diosman cutirishpa c'atiraichic. Cancuna mana yuyarishpa Diosman mana cutiricpica, cancuna mana yuyashca horasmi shuhua shamuc shina cancunapacman shamusha.

SAN MATEO 6:27

Chashna cashcamanta maijanpish unaita causasha nishpa chai yuyailla cashpapish, shuc horallatapish yallihuanca mana causai pudinchu.

1 TIMOTEO 6:12

Huiñai causaita japingapacca, macanacuipi mishac shina crishca yuyaihuan alli c'atingui. Cantaca achcacunapac ñaupapi “tucui shunguhuan crinimi” nicpimi, chai causaita japichun Taita Diosca acllashca.

2 TIMOTEO 2:18

Paicunaca chashna tucushpami cashcata nic yachachishcata saquishpa, “huañushcacunaca ñami causarishca” nishpa tauca criccunata pandachishpa puricuncuna.