1 TESALONICENSES 1:4 - Nuevo Testamento en Quichua Cañar 1996

⁴ C'uyashca criccuna, Taita Diosllatac cancunata c'uyashpa acllashca cashcataca yachanchicmi.

Dios Rimashcata Quillcashcami

⁴ Cuyashca criccuna, Diosllatac cancunata cuyashpa acllashca cashcataca yachanchicmi.

1 TESALONICENSES 1:4 Referans Kwoze

2 TESALONICENSES 2:13

Apunchic Jesús c'uyashca criccuna, ñucanchicca cancunata yuyarishpaca, punzhantami Taita Diostaca pagui nicunchiclla. Diospac Espíritu Diospacllata ruhuashcamanta, shinallatac cashcata nic huillashcata crishcamantami, cancuna quishpirichun callarimanta pacha Diosca acllarca.

2 PEDRO 1:10

Chaimanta c'uyashca criccuna, cancunata Dios acllashpa c'ayashcamantaca, caicunata yuyaipi charishpami causana canguichic. Chashna causashpami, jaicapi mana pandaringuichic.

ROMANOS 9:25

Oseasman Dios rimashpa quillcachishcapica: “Mana ñuca c'uyashca gentecunataca ‘ñucapacmi canguichic’ nishami. Mana ñuca c'uyashcacuna cacpipish, ‘ñuca c'uyashcacunami canguichic’ nishami.

COLOSENSES 3:12

Taita Diosca cancunata c'uyashpami, paipaclla cachun acllarca. Chaimantami mushuc churanata churaric shina, shungumanta llaquishpa, c'uyashpa, mana jatun tucushpa, mana p'iñarishpa, shinallatac c'uyac shunguhuan causana canguichic.

EFESIOS 1:4

Taita Diosca paipac c'uyaimantami manarac cai pachata ruhuashpa, ñucanchictaca Cristohuan shuc shinalla tucushpa jucha illac, paipaclla paipac ñaupapi cachun acllashca.

1 PEDRO 1:2

Cancunataca Taita Diosmi ña ñaupamanta pacha pai munashca shina paipac huahuacuna cachun acllashca. Taita Diosca paita c'uyashpa causachun, shinallatac Jesucristopac yahuarhuan chuyayachishca cachunmi, cancunata paipac Espiritumanta paipacllatac ruhuashca. Taita Dios mai c'uyashpa, cancunaman sumac causaita yallita cushca cachun ninimi.

1 TESALONICENSES 1:3

Cancuna tucui shunguhuan crishpa, Diosta c'uyashpa paipacta ruhuacushcamantapish, llaquita apacushpapish mana manchashpa, Apunchic Jesús cutimuna cashcata shuyacushcamantapish, ñucanchic Taita Diosman mañacushpaca, pagui nishpa yuyaricunchicllami.