1 PEDRO 5:11 - Nuevo Testamento en Quichua Cañar 1996

¹¹ Imatapish ruhuaclla canaca, huiñai huiñaita paipaclla cachun. Chashna cachun.

Dios Rimashcata Quillcashcami

¹¹ Sumaimana achic nicucpish, tucuita mandanapish, huiñai huiñaita paipaclla cachun. Chashna cachun.

1 PEDRO 5:11 Referans Kwoze

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Taita Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

ROMANOS 11:36

Tucui imapish Diosmantami shamun, shinallatac paimantami tiyan. Tucui imapish paipacmi. ¡Chaimanta Taita Diostaca huiñai huiñaita alli nishca cachun! Chashna cachun.

APOCALIPSIS 5:13

Shinallatac Taita Dios churashca jahua pachapi caccunapish, cai pachapi caccunapish, allpa ucupi caccunapish, yacu ucupi caccunapish cantashpaca: —Mandashpa tiyarinapi tiyacuctapish, Pactalla Ovejatapish imatapish ruhuaclla cashcamanta, sumaimana cashcamanta, alli nishca cashcamantami ¡huiñai huiñaita alli nishcami cana can!— nicushcatami uyarcani.

APOCALIPSIS 1:6

Shinallatac paimi ñucanchictaca paihuan mandaccuna cachun, paipac Taita Diospacta ruhuac curacuna cachunpish ruhuarca. ¡Jesucristotaca tucui mashna huiñaita “Jatun Mandacmi cangui, allimari cangui” nichun! Chashna cachun.