1 PEDRO 4:4 - Nuevo Testamento en Quichua Cañar 1996

⁴ Cunanca paicunahuan pacta imapish mana allicunata ña mana ruhuacpimi, paicunaca “¿imamantatac ña mana ruhuan?” nishpa, cancunataca c'amishpa rimancuna.

Dios Rimashcata Quillcashcami

⁴ Cunanca paicunahuan pacta imapish mana allicunata ña mana ruhuacpimi, paicunaca cancunataca camishpa rimancuna.

1 PEDRO 4:4 Referans Kwoze

1 PEDRO 3:16

Ashtahuanpish mana jatun tucushpa, c'uyac shunguhuan chashnaca ruhuaichic. Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa c'atichiclla.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunata cunan “millaita ruhuaccuna” nishpa juchanchishpapish, cancuna allita ruhuacushcata ricushpaca, Dios taripana punzhapica Taita Diosta “allimari cangui” ningacuna.

HECHOS 18:6

Chashna huillacucpimi, israelcunaca p'iñarishpa, Pablota c'amishpa rimai callarircacuna. Chaimantami Pabloca pai huillashcata mana uyashun nishcamanta churanata chaspirishpaca: —Ñuca huillana cashcataca ña cancunaman huillanimi. Cancuna mana crishpa juchallapitac huañucpica, Taita Diosca ñucataca mana juchanchingachu. Cunanmanta q'uipamanca, mana israelcunamanmi huillashpa purigrini— nirca.

SAN JUDAS 1:10

Shina cacpipish chai llullashpa yachachiccunaca manapish chashna cacta yachashpa, mana allita rimancunallami. Imata yachashpapish, animalcuna shina yuyai illac cashcamantami, paicunallatac llaqui tucungapac millaita ruhuancuna.

HECHOS 13:45

Chashna mana israelcunapish achcacuna tandanacushcata israelcuna ricushpami, p'iñarishpa: “Pablo yachachishcaca yangallami” nishpa c'amircacuna.

2 PEDRO 2:22

Ashtahuanpish paicuna chashna tucucpimi: “Allcupish pai ungushcallatatacmi cutin tigrachishpa micun. Cuchipish armarishca q'uipaca, cutinmi turupi singun” nishcaca pactashca.

2 PEDRO 2:12

Chai pandata yachachiccunaca animalcuna shinami. Chashna cashpami, imatapish mana entendishpa, ima shinapish causashpa, japishpa huañuchina animalcuna shina causancuna. Paicunaca manapish entendishpami, mana allichu nishpa rimancuna. Chashna mana allita ruhuashcamantami, animalcuna shina huañungacuna.

ROMANOS 13:13

Shina cashcamanta punzhapi puricuc shina, allita ruhuashpa causashunchic. Jatun micuitapish, ubianatapish ama ruhuashunchic, ama huacllirishunchic, ama p'iñanacuipi churashunchic, shuccuna ama charichun nishpa ama munashunchic, shinallatac ima mana allicunatapish ama ruhuashunchic.

SAN LUCAS 15:13

Chai q'uipa churica asha punzhacuna q'uipa tucui pai japishcacunata c'atushpa, cullquita tandachishpaca, caru llactamanmi rirca. Chai caru llactapimi maipish cachun causashpa, tucui pai charishcacunataca tucuchirca.

EFESIOS 5:18

Ama machaichicchu. Machaccunaca imapipish mana jarcarincunachu. Chaipac randica, Diospac Espíritu yuyaita cushca shina causanata munaichic.

SAN MATEO 23:25

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunaca vasota, platota jahuallata jahuaccunami canguichic. Shina cashpami, ucutaca shuhuana yuyai, charicyana yuyai junda canguichic.