1 PEDRO 4:18 - Nuevo Testamento en Quichua Cañar 1996

¹⁸ Dios quillcachishcapica: “Cashcata ruhuacpish jarca jarcallami quishpirin. Chashna jarca jarcalla quishpiricpica, mana allita ruhuashpa juchalliccarin, ¿imachari tucunga?” ninmi.

Dios Rimashcata Quillcashcami

¹⁸ Dios quillcachishcapica: «Cashcata ruhuacpish jarca jarcallami quishpirin. Chashna cacpica, millaita ruhuashpa juchalliccarin, ¿imachari tucunga?» ninmi.

1 PEDRO 4:18 Referans Kwoze

SAN LUCAS 23:31

Ñuca verde yura shina cacpipish cashna ruhuashpaca, cancuna chaquishca yura shina cactacarin, ¿imatachari ruhuangacuna?— nirca.

SAN JUDAS 1:15

Chashna shamushpaca, tucui mana allita ruhuaccunata taripashpa, paicuna mana allita ruhuashcamanta, shinallatac paicuna Diosta p'iñachishpa, millai rimaicunata rimashpalla causashcamantami, taripashpa llaquichingapac shamurca” nishcami.

1 CORINTIOS 10:12

Shina cashcamanta “allimi cani” niccunaca ama urmangapacca, alli huacaichirichun.

ROMANOS 1:18

Taita Diosca jahua pachamantami tucui millai mana allita ruhuaccunataca llaquichishpa, pai p'iñarishcata ricuchin. Chai gentecunaca mana allita ruhuashpa causashpami, cashcata nic huillanataca jarcancuna.

HECHOS 14:22

Chai pueblocunaman chayashpa, chaipi causac criccunataca: “Jesusta crishcata mana saquishpa, alli c'atichic” nircacunami. Shinallatac: “Tucui laya llaquicunata apashpami, Taita Dios mandacucmanca yaicuna canchic” nircacuna.

2 PEDRO 3:7

Shina cashpapish jahua pachapi, cai pachapi cunan ima tiyashcacunataca, chai rimashcallahuantacmi ninahuan tucuchingapac Taita Diosca huacaichishpa charicun. Chai ninaca Dios taripashpa millaicunata llaquichina punzhapimi, rupachishpa tucuchinga.

1 PEDRO 5:8

Cancunata mana ricunachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

ROMANOS 5:8

Ashtahuanpish ñucanchic juchayuccuna cacpica, Cristo ñucanchicmanta huañucpimi, Taita Diosca ñucanchicta c'uyac cashcata ricuchin.

HEBREOS 4:1

Chashna cashcamanta chai samarinapi Dios ñucanchicta yaicuchisha nicucpirac, allita yuyarichic. Cancunapuramanta shucllapish pacta yaicunata mana charic shina saquiringuichicman.

ROMANOS 5:6

Ñucanchic maita mana quishpiripac cacpimi, Taita Dios acllashca punzha pactacpi, Cristoca juchayuccunamanta huañurca.

HECHOS 27:24

‘Pablo, ama manchaichu. Canca Roma*f** llactata jatun mandac Cesarpacman*f** chayanatacmi cangui. Canmantami tucui canhuan riccunatapish huañuimanta quishpichisha’ nishpa huillachirca.

SAN LUCAS 15:1

Roma*f** llactaman impuestota japiccunapish, israelcuna*f** ch'icanyachishca caishuc juchayuccunapish, achcacunami Jesús huillashcata uyangapac paipacman cuchuyarcacuna.

HECHOS 27:31

Chaimantami Pabloca pasac soldadocunata mandactapish, caishuc soldadocunatapish: —Cai barcota purichiccuna shitashpa ricpica, cancunaca huañunguichicmi— nirca.

1 TIMOTEO 1:9

Mandashcacunataca Taita Diosca cashcata ruhuaccunata llaquichichunca mana curcachu, ashtahuanpish p'iñaccunata, mana cazuccunata, imapish mana allita ruhuaccunata, juchalliccunata, Taita Diosta burlaccunata shinallatac paita cricpipish asiccunata, taita mamata huañuchiccunata, pitapish huañuchiccunata,

SANTIAGO 5:6

Mana juchanchipac gentecunatami, cancunaca juchanchishpa huañuchishcanguichic. Paicunaca mana c'ariyarcachu.