1 PEDRO 3:13 - Nuevo Testamento en Quichua Cañar 1996

¹³ Cancuna allita ruhuana yuyailla cacpica, ¿pitac cancunataca mana allita ruhuangayari?

Dios Rimashcata Quillcashcami

¹³ Cancuna allita ruhuana yuyailla cacpica, ¿pitac cancunataca mana allita ruhuangayari?

1 PEDRO 3:13 Referans Kwoze

1 TESALONICENSES 5:15

Shuccuna ima mana allita ruhuacpipish, paicunatapish chashnallatac ruhuanamantaca huacaichirichic. Chaipac randica punzhanta cancunapurapipish, tucui gentecunahuanpish allita ruhuanata munaichic.

ROMANOS 8:28

Taita Diosca paita c'uyaccunataca tucui ima ruhuanapipish allitami pushan. Chaicunaca pai munashcata ruhuangapac acllashcacunami.

3 JUAN 1:11

C'uyashca Gayo, chashna mana alli ruhuaccunataca ama c'atinguichu, ashtahuanpish allita ruhuaccunata c'atingui. Maijanpish allita ruhuacca Diospacmi, ashtahuanpish mana allita ruhuacca Diostaca mana ricsinchu.

1 TIMOTEO 5:10

Paicunaca paicunapac huahuacunata alli huiñachic, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuaccunami cana can. Tucui cai allicunata ruhuashcamantami, tucuipac alli nishca cana can.

1 CORINTIOS 14:1

Tucuimanta yallica, c'uyaita charinata yuyaichic. Shinallatac Diospac Espíritu imata ruhuac cachun cushcacunata yallita munaichic. Yallicarin Taita Dios ima nishcata huillac canata munaichic.

ROMANOS 13:3

Mandaccunaca allita ruhuaccunata mana manchachingapacchu, ashtahuanpish mana allita ruhuaccunata manchachingapacmi can. Mandaccunata mana manchashpa causasha nishpaca, allita ruhuashpa causai. Shina causacpimi, mandaccunaca allimi ninga.

EFESIOS 5:1

Cancunaca ña Diospac c'uyashca huahuacuna cashcamantaca, pai shina canata yuyaichic.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.