1 PEDRO 2:6 - Nuevo Testamento en Quichua Cañar 1996

⁶ Shina cashcamantami Dios quillcachishcapica: “Tucuimanta yalli huasita callaringapac acllashca, mai valishca Rumitami Sión*f** pueblopi churani. Maijanpish chai Rumipi shunguta churacca, mana pingaichishcachu canga” ninmi.

Dios Rimashcata Quillcashcami

⁶ Shina cashcamantami Dios quillcachishcapica: «Tucuimanta yalli huasita callaringapac acllashca, mai valishca Rumitami Sión pueblopi churani. Maijanpish chai Rumipi shunguta churacca, mana pingaichishcachu canga» ninmi.

1 PEDRO 2:6 Referans Kwoze

1 PEDRO 2:4

Apunchic Jesusman chayarichic, paica causac rumi shinami. Paitami gentecunaca mana valichishpa shitashca. Shina mana valichishca cacpipish, Taita Diosmanca achca valic acllashca rumimi can.

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta ñaupa huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

MARCOS 12:10

Cancunaca Dios quillcachishcapi cashna nishcataca, ¿manachu ricushcanguichic? Chaipica: ‘Huasita ruhuaccuna mana nishca shitashca rumillatacmi, huasita ruhuangapac callaripi churana, tucuimanta yalli alli rumi tucushca.

ROMANOS 10:11

Dios quillcachishcapica: “Maijanpish paipi shunguta churacca mana pingaichishcachu canga” ninmi.

2 TIMOTEO 3:16

Dios quillcachishcaca tucuimi Diosllatac yuyaita cushpa quillcachishca. Chaimantami yachachingapacpish, mana alli ruhuaccunata rimangapacpish, cunangapacpish, shinallatac cashcata ruhuashpa causanata yachachingapacpish alli.

SAN JUAN 7:38

Dios quillcachishcapica: ‘Maijanpish ñucata cricpac shungumantaca, causaita cuc yacu shinami llucshinga’ ninmi— nirca.

SAN LUCAS 23:35

Tucui chaipi cac gentecunami Jesustaca chaparacurcacuna. Mandaccunapish burlashpami: —Paica shuccunata quishpichic cashca jahuachu, paillatacca mana quishpirin. Taita Dios cachashca Quishpichic Cristo cashpaca, paillatac quishpirinmanmi— nircacuna.

SAN MATEO 12:18

“Caipimi ñuca acllashca servicca. Paitami ñucaca c'uyani. Paihuanmi cushicuni. Paimanmi ñuca Espiritutaca cusha. Chashna cucpica, tucui llactacunapimi ñuca cashcata ruhuashpa mandana cashcataca huillanga.

2 PEDRO 3:16

Tucui pai quillcashcallapitacmi Pabloca caicunamanta rimashpa quillcashca. Shina cacpipish maijan quillcacunata mana entendipactac quillcashca cacpimi, cai quillcacunatapish, Dios quillcachishca shuctac quillcacunatapish imata mana yachac, manarac sinchi criccunaca shuctacman entendishpa, pandata yachachishpa, paicunallatac chingaringapac ricuncuna.

2 PEDRO 1:20

Shina cacpipish tucuimanta yallica caita yuyarichic: Diosmanta ñaupa huillaccuna quillcashpa huillachishcacunataca, Dios mana yuyaita cucpica, pipish “cashnami, chashnami” mana ni pudinchu.

EFESIOS 1:4

Taita Diosca paipac c'uyaimantami manarac cai pachata ruhuashpa, ñucanchictaca Cristohuan shuc shinalla tucushpa jucha illac, paipaclla paipac ñaupapi cachun acllashca.

HECHOS 1:16

“Caipi tandanacushca tucui criccuna. Jesusta Judas japichina cashcataca, ñaupamanmi Diospac Espíritu yuyaita cushpa, Davidman quillcachishca. Chaica pactanami carca.

SAN LUCAS 20:17

Chashna nicpi, paicunata ricushpami Jesusca: —Dios quillcachishcapica: ‘Huasita ruhuaccuna mana nishca, shitashca rumillatacmi, huasita ruhuangapac callaripi churana, tucuimanta yalli alli rumica tucushca’ ninmi. Cai nishcataca, ¿imatatac yuyanguichic?

1 PEDRO 2:8

Shinallatac: “Cai rumipimi mitcarishpa urmangacuna” nishcapish pactarcami. Paicunaca Dios rimashca shimita mana cazushcamantami mitcarincuna. Paicunataca ñaupamanmi Diosca chashna tucuchun nishca.