1 PEDRO 2:16 - Nuevo Testamento en Quichua Cañar 1996

¹⁶ Huatashca shinamanta cacharichishcami canguichic. Shina cashpapish “cacharishcami canchic” nishpaca, ima millaitapish ama ruhuaichicchu. Chaipac randica Diospacta ruhuaccuna shina causaichic.

Dios Rimashcata Quillcashcami

¹⁶ Huatashcamanta cacharichishca shina caichic. Shina cashpapish chaipi achacarishpalla ama ima millaitapish ruhuaichicchu. Chaipac randica Diospacta ruhuaccuna shina causaichic.

1 PEDRO 2:16 Referans Kwoze

GÁLATAS 5:13

C'uyashca criccuna, cancunataca Taita Dios ama huatashca shina causachunmi c'ayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuchuan c'uyanacushpa, ayudanacushpa causaichic.

ROMANOS 6:22

Ashtahuanpish cancunaca jucha mandashca causacushcamanta Taita Dios cacharichicpica, paita serviccunami tucushcanguichic. Chashna tucushpaca, Taita Diospaclla ch'icanyarishpa causashpa, huiñai causaita chasquishpami allita japircanguichic.

1 CORINTIOS 7:22

Maijan amoyuc cashca cashpapish, Apunchic Jesusta crishpaca, ña mana amoyucchu can, cunanca Apunchic Jesuspacta ruhuachun acllashcami. Shinallatac maijanpish mana amoyuc cashca cashpapish, cunanca Apunchic Jesuspacta ruhuachun c'ayashcami.

ROMANOS 6:18

Jucha mandashca causacushcamanta ña cacharishca cashpaca, allita ruhuangapacmi Diosta serviccuna tucushca canguichic.

GÁLATAS 5:1

Moisés mandashcacunata cazushpa ama huatashca shina cachunmi, Jesucristoca ñucanchictaca cacharichirca. Shina cashcamanta ama cutinllatac huatashca shina tucunata yuyaichicchu.

SANTIAGO 1:25

Ashtahuanpish huatashca shina cashcamanta cacharichic, Dios mandashpa rimashca shimita uyashpa, mana cungarishpa, shungupi huacaichicca imata ruhuashpapish cushicungami.

SANTIAGO 2:12

Ñucanchicta huatashca shinamanta cacharichic mandashcapi nishca shinami, Diosca taripanga. Shina cashcamanta imatapish allita rimaichic, shinallatac allita ruhuaichic.

EFESIOS 6:6

Imata ruhuashpapish, ama paicuna ricucucpi alli ricuringaraiculla ruhuac tucuichicchu, ashtahuanpish Cristopacta ruhuaccuna cashcamanta tucui shunguhuan Dios munashcata pactachishpa, amopacta ruhuaichic.

2 PEDRO 2:19

Paicunallatac mana alli causaipi huatashca shina cashpapish, shuccunata huatashca shina causaimanta cacharichishun nincunami. Maijanpish paipac mapa munaicuna aticpica, chai munaipi huatashca shinami tucun.

COLOSENSES 3:24

Cancuna allita ruhuashcamantaca, criccuna japichun Dios huacaichishcata japigrina cashcata yuyaichic. Jesucristo cancunapac Amo cacpimi, cancunaca imata ruhuashpapish, paipacta ruhuacunguichic.

SAN MATEO 23:13

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunami jahua pacha Taita Dios mandacucman gentecuna yaicunataca, huichcac shina jarcanguichic. Yaicunata munaccunatapish, yaicuchun mana saquinguichic. Shinashpami cancunallatacpish mana yaicunguichic.

SAN JUDAS 1:4

Chaica ñucanchicpurahuanmi, llullashpa yachachishpa maijan llullac huillaccuna tandarishca. Chaicunatami ñaupa punzhacunamanta pacha Diosca jatun llaquiman rina cashcata huillashca. Chaicunaca millai runacunami. “Ñucanchic Taita Dios c'uyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

1 TESALONICENSES 2:5

Mishquilla shimicunahuan jatun tucungaraicu jaicapi mana rimashcatapish, cullquita japingaraiculla imata mana ruhuashcatapish cancunallatac yachanguichicmi, shinallatac Taita Diospish yachanmi.

SAN JUAN 15:22

Ñuca caicunata mana imata rimangapac shamushca cacpica, paicunaca mana juchanchishcachu canman carcacuna. Ashtahuanpish ‘cunanca mana juchayucchu cani’ ninataca mana pudincunachu.