1 PEDRO 1:15 - Nuevo Testamento en Quichua Cañar 1996

¹⁵ Ashtahuanpish cancunata acllac Diosca ima jucha illacmi. Shina cashcamanta cancunapish tucui causaipi ima jucha illac causanata munaichic.

Dios Rimashcata Quillcashcami

¹⁵ Ashtahuanpish cancunata acllac Diosca ima jucha illacmi. Shina cashcamanta cancunapish tucui causaipi ima jucha illac causanata munaichic.

1 PEDRO 1:15 Referans Kwoze

SAN MATEO 5:48

Jahua pachapi tiyac cancunapac Taita Dios ima shinami allitac can, chashnallatac cancunapish allitac caichic.

2 CORINTIOS 7:1

Caicunami Dios ñucanchicman allicunata cushami nishcacunaca. Shina cashcamanta c'uyashca criccuna, cuerpotapish, almatapish tucui imapish mapayachinamantaca huacaichirishpa, chuya cashunchic. Shinallatac Taita Diosta manchashpa, paipaclla tucushpa causanata yuyailla cashunchic.

HEBREOS 12:14

Diospaclla mana causashpaca, pipish Apunchic Jesustaca mana ricungachu. Chaimanta Diospaclla causashpa, tucui mashnahuan apanacushpa, alli causanata munaichic.

SANTIAGO 3:13

Cancunapuramanta maijan alli yachac, yuyaisapa cashpaca, imatapish allita ruhuashpa, mana p'iñaric alli shungu tucushpa, yachac cashcataca ricuchichun.

1 JUAN 3:3

Chashna cashcamanta maijanpish pai yuyailla cacca, paillatacmi Jesucristo ima jucha illac cashca shinallatac tucui mapamanta anchuricun.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunata cunan “millaita ruhuaccuna” nishpa juchanchishpapish, cancuna allita ruhuacushcata ricushpaca, Dios taripana punzhapica Taita Diosta “allimari cangui” ningacuna.

FILIPENSES 1:27

Tucuimanta yallica Cristomanta alli huillaita cazushpa, chai yuyailla alli causachunmi munani. Ñuca cancunata ricungapac ricpipish mana ricpipish, alli huillaita crinamanta pi ima nicucpipish, macanacuipi shayaric shina, tucui mashna shuc yuyailla alli c'aticushcatami cancunamantaca uyasha nini.

1 PEDRO 2:9

Ashtahuanpish cancunaca Dios acllashpa ch'icanyachishcacuna, Jatun Mandacpacta ruhuac curacuna, jucha illaccuna cachun acllashcacuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

HEBREOS 13:5

Taita Diosca: “Jaicapi mana saquishachu, manatac cungarishachu” nishcami. Chaimanta cancunaca charishcallahuan cushi caichic. Ama yallimana cullquita charina yuyailla caichicchu.

TITO 3:14

Chashna ñucanchicpuramanta caccunaca allita ruhuashpa, huacchacunaman ima illashcata cushpa ayudashpa, Taita Diospac ñaupapi allicuna cachunmi nini.

APOCALIPSIS 3:7

Filadelfia pueblopi cac tandanacushca criccunata ricuc angelmanpish cashna nishpa quillcai: Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca cashnami nini:

2 TIMOTEO 1:9

Taita Diosmi paipaclla causachun nishpami, ñucanchictaca quishpichishpa c'ayarca. Mana ñucanchic ima allita ruhuashcamantachu quishpichirca, ashtahuanpish Taita Dios c'uyashcallamantami, Jesucristohuan ñucanchic shuc shinalla tucucpi quishpichirca. Cai pacha manarac tiyacpimi, ñucanchictaca Taita Diosca c'uyashpa, chashnaca ruhuasha nishca.

1 TIMOTEO 4:12

Criccuna canta ricushpa allita causachunca, allita ruhuashpa, alli shimicunata rimashpa, alli c'uyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

FILIPENSES 3:20

Ashtahuanpish ñucanchic causana llactaca jahua pachami. Chai jahua pachamanta Quishpichic Apunchic Jesucristo cutimunallatacmi shuyacunchic.

FILIPENSES 3:14

Jesucristomanta Taita Dios cusha nishca tucuimanta yalli alli cacpimi, chaita japingapac chayana yuyailla ricuni.

APOCALIPSIS 6:10

Chaimantaca sinchita caparishpami: —Tucuita Mandac, jucha illac Taita Dioslla, allpa pachapi causaccunataca, ¿ima punzhacamantatac ñucanchicta huañuchishcamantaca taripashpa llaquichigringuiyari?— nircacuna.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.

1 PEDRO 3:16

Ashtahuanpish mana jatun tucushpa, c'uyac shunguhuan chashnaca ruhuaichic. Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa c'atichiclla.

TITO 3:8

Chaica chashnatacmi can. Chaimanta Taita Diosta criccuna allicunallata ruhuashpa causanataca, allita yachachina cangui. Chai alli ruhuanacunami tucui mashna alli causangapac alli can.

1 TESALONICENSES 2:12

Shinallatac “Diospac huahuacuna ima shina causana cashca shina causaichic” nishpami yachachircanchic. Cancunataca Diosllatacmi paihuan mandachun, shinallatac sumac cachunpish acllarca.

APOCALIPSIS 4:8

Chai chuscu animalman ricchacunaca tucuimi sucta alasta charirca. Shinallatac canzhamanpish, ucumanpish ñahui murucuna jundami carca. Chaicunaca tutapish, punzhapish mana shaicushpami: —¡Tucui imatapish ruhuac Mandac Dioslla, canca jucha illac, jucha illac, jucha illacmi cangui! Canllatacmi carcangui, canllatacmi cangui, shinallatac canllatacmi shamungui— nishpa, alli nicurca.

ROMANOS 9:24

Shina cashcamantami Taita Diosca shuccunataca israelcunapuramanta, shuccunataca mana israelcunapuramanta*f** ñucanchictaca acllarca.