1 JUAN 3:6 - Nuevo Testamento en Quichua Cañar 1996

⁶ Maijanpish Jesushuan cashpaca, juchata ña mana ruhuanchu. Maijanpish juchata ruhuacca paitaca mana ricushcachu, shinallatac mana ricsishcachu.

Dios Rimashcata Quillcashcami

⁶ Maijanpish Jesus-huan cashpaca, juchata ña mana ruhuanchu. Maijanpish juchata ruhuacca paitaca mana ricushcachu, shinallatac mana ricsishcachu.

1 JUAN 3:6 Referans Kwoze

3 JUAN 1:11

C'uyashca Gayo, chashna mana alli ruhuaccunataca ama c'atinguichu, ashtahuanpish allita ruhuaccunata c'atingui. Maijanpish allita ruhuacca Diospacmi, ashtahuanpish mana allita ruhuacca Diostaca mana ricsinchu.

1 JUAN 3:9

Maijanpish Diospac huahua tucushca cashpaca, Dios cushca mushuc causaita charishcamantaca mana juchata ruhuashpa causanchu. Diospac huahuatac cashcamantaca, mana juchata ruhuanchu.

1 JUAN 2:4

Maijanpish “ñucaca paita ricsinimi” nishpapish, Dios mandashcacunata mana pactachishpaca llullanllami. Shina cacpimi paipac shungupica imatapish cashcata ruhuashpa causana yuyaica mana tiyan.

1 JUAN 4:8

Taita Diosca c'uyacmi. Shina cashcamanta maijanpish mana c'uyacca, Diosta mana ricsinchu.

1 JUAN 3:2

C'uyashca criccuna, ñucanchicca ña Diospac huahuacunami canchic. Shamuc punzhapi ima shinami ñucanchic cana cashcataca manarac yachanchicchu. Shina cashpapish Jesucristo ricuricpica, pai shina cana cashcatami yachanchic. Paitaca pai ima shina cashcatami ricushun.

1 JUAN 5:18

Maijanpish Taita Diospac huahua cashpaca, juchata mana ruhuacushcata yachanchicmi. Taita Diospac Churimi paicunataca huacaichin. Chaimantami diabloca imata mana ruhuanata pudin.

2 CORINTIOS 4:6

Taita Diosca amsata luz achicyachichun nircami. Paillatacmi luz shina ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

1 JUAN 2:28

C'uyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuc shinalla causaichic. Chashna causashpami pai cutin shamucpica, paipac ñaupapi mana pingashpa tupashun.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañuta anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa c'aticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa c'aticun.

1 JUAN 2:3

Taita Diospac mandashcacunata pactachishpaca, paita ricsishcatami yachanchic.