1 JUAN 3:13 - Nuevo Testamento en Quichua Cañar 1996

¹³ Ñuca c'uyashca criccuna, cai pachapaclla causaccuna cancunata p'iñacpica ama manchaichicchu.

Dios Rimashcata Quillcashcami

¹³ Ñuca cuyashca huauquicuna, cai pachapaclla causaccuna cancunata piñacpica ama manchaichicchu.

1 JUAN 3:13 Referans Kwoze

SAN JUAN 17:14

Can rimashca shimitaca paicunaman huillashcanimi. Paicuna mana cai pachapaclla cashcamantami, cai pachapaclla causaccunaca p'iñancuna. Ñucapish mana cai pachamantachu cani.

SAN LUCAS 21:17

Ñucata c'aticushcamantami, cancunataca tucui gentecuna p'iñashpa mana ricunachingacuna.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata c'uyacca, Taita Diostaca p'iñanmi. Chaitaca, ¿manachu yachanguichic? Maijanpish cai pachapaclla caccunata c'uyasha niccunaca, Taita Diosta p'iñaccunami tucun.

2 TIMOTEO 3:12

Maijanpish Apunchic Jesushuan shuc shinalla tucushpa, paipaclla causanata munaccunaca llaquita apangami.

MARCOS 13:13

Ñucata c'aticushcamantaca, cancunataca tucuimi p'iñangacuna. Chashna p'iñacpipish, tucuringacaman chai llaquicunata apactaca Taita Diosca quishpichingami.

ROMANOS 8:7

Maijanpish cai pacha jucha munashcata ruhuashpa causaccunaca Taita Diostaca p'iñanmi. Paicunaca Dios mandashcacunataca uyanatapish, cazunatapish mana pudincunachu.

SAN JUAN 16:33

Tucui caicunataca cancuna ñucahuan shuc shinalla cashcata yachashpa, shungupi yallita cushicuita charichunmi nini. Cai pachapica cancunaca llaquita apanguichicmi. Shina cacpipish, cai pacha mana allicunata ñuca mishashcata yuyarishpa, ama manchashpa cushicuichiclla— nirca.

SAN JUAN 7:7

Cai pachapi causaccunaca cancunataca mana p'iñanchu, ashtahuanpish paicuna mana allita ruhuashcata ñuca huillashcamantami, ñucataca p'iñancuna.

SAN LUCAS 6:22

Runa Tucungapac shamushca*f** ñucata c'aticushcamanta pipish p'iñacpi, llucchishpa cachacpi, c'amicpi, ima millaita rimacpipish, ¡cushicuichic!

SAN MATEO 24:9

Chai punzhacunapimi cancunata llaquichishpa huañuchichun japichingacuna. Ñucata c'aticushcamantaca, tucuimi cancunataca p'iñangacuna.

SAN MATEO 10:22

Cancuna ñucata c'aticushcamantaca, tucui gentecunami p'iñangacuna. Shina cacpipish tucuringacaman llaquicunata apaccunami quishpiringa.

HECHOS 3:12

Chashna tandanacumucta ricushpaca, Pedroca: “Tucui israelcuna,*f** ¿ima nishpatac cai runata alliyachishcata ricushpalla mana amiringuichic? ¿Ima nishpatac ñucanchictaca ricuracunguichic? Mana ñucanchicchu chashna alliyachishcanchic. Shinallatac mana Taita Diosman mañaccuna cashcallamantachu alliyachishcanchic,

SAN JUAN 16:2

Cancunataca tandanacuna huasicunamanta llucchishpa cachangacunami. Shinallatac cancunata huañuchishpaca, Taita Diosmanmi alli ruhuanchic nina punzhaca chayamungami.

SAN JUAN 3:7

‘Cutin huacharinami can’ nishcamantaca, ama mancharinguichu.

APOCALIPSIS 17:7

Chashna macharicpimi angelca: —¿Ima nishpatac yallita mancharingui? Chai huarmipi quillcashca imata nisha nicushcatapish, chai manchana animal canchis umayuc, chunga gachuyuc imata nisha nicushcatapish ñami huillagrini.