1 JUAN 2:25 - Nuevo Testamento en Quichua Cañar 1996

²⁵ Jesucristoca huiñai causaitami ñucanchicmanca cusha nishca.

Dios Rimashcata Quillcashcami

²⁵ Jesucristo ñucanchicman cusha nishcaca, huiñai causaimi can.

1 JUAN 2:25 Referans Kwoze

SAN JUAN 10:28

Ñucaca huiñai causaitami paicunamanca cuni. Paicunaca mana chingaringachu, shinallatac pipish ñuca maquimantaca mana quichungachu.

TITO 3:7

Taita Dios yallita c'uyashpami, paihuan alli tucushpa, ñucanchic shuyacushca huiñai causaita japichun chashnaca ruhuarca.

SAN JUDAS 1:21

Cancunata Dios c'uyacushcamantaca ama anchurichicchu. Shinallatac ñucanchic Apunchic Jesucristo llaquishpa, ñucanchicman huiñai causaita cuna punzhataca shuyacuichiclla.

1 TIMOTEO 6:12

Huiñai causaita japingapacca, macanacuipi mishac shina crishca yuyaihuan alli c'atingui. Cantaca achcacunapac ñaupapi “tucui shunguhuan crinimi” nicpimi, chai causaita japichun Taita Diosca acllashca.

1 JUAN 1:2

Causaita cuctaca Taita Dios cachacpimi ricurcanchic. Chaita ricushpami paimanta cancunaman huillanchic, shinallatac chaica huiñai causaita cuc cashcata huillanchic. Paica Taita Dioshuanmi carca. Chaimanta shamushpami, ñucanchicmanca ricurirca.

TITO 1:2

Chai cashcata nic huillashcaca, cai pacha manarac tiyacpi cashcata nic Taita Dios cusha nishca, ñucanchic cushicushpa shuyacushca huiñai causaimantapish huillanmi.

ROMANOS 5:21

Ima shinami juchaca cai pachaman yaicushpa tucuita huañuiman aparca, chai shinallatacmi Taita Diosca paipac c'uyaillamanta, Apunchic Jesucristomanta paihuan alli tucuchun ñucanchicman huiñai causaita cunga.

ROMANOS 2:7

Maijanpish Taita Diospac alli nishca cangaraicu, huiñai causaita japingaraicu allita ruhuashpa causaccunamanca Taita Diosca huiñai causaitami cunga.

SAN JUAN 12:50

Ñuca Taita mandashca ñuca rimashcaca, huiñai causaita cuc cashcatami yachani. Shina cashcamantami ñuca imata huillacushpapish, ñuca Taita mandashcallata huillacuni— nirca.

SAN JUAN 6:68

Shina nicpi, Simón Pedroca: —Apunchic Jesús, ¿pipacmanta rishunyari? Cambac rimashca shimicunaca, huiñai causaita cuc shimicunami.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

1 TIMOTEO 6:19

Chashna ruhuashpami, q'uipa punzhapi huiñai causaita japingapac ña utcashpa mana chingaric allicunata ruhuacuncuna.

SAN JUAN 6:54

Maijanpish ñuca aichata micucca ñuca yahuarta ubiacca, huiñai causaita charinmi. Shinallatac ñucaca tucuri punzhapica causachishami.

SAN JUAN 6:47

Maijanpish ñucata cricca, huiñai causaita charinmi. Chaica chashnatacmi can.

SAN JUAN 6:27

Cancunaca ama chingariclla micunata mashcaichicchu. Chaica chingaringallami, ashtahuanpish mana chingaric micunata mashcaichic. Chai micunami huiñai causaitaca cun. Chai micunataca Runa Tucungapac shamushca*f** ñucallami cusha. Chaita cuchunmi Taita Diosca ñucataca cacharca— nirca.

SAN JUAN 5:39

Shina cashpapish huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunaca ñucamantami huillan.

SAN LUCAS 18:30

cai pachapica ashtahuan charinga. Shamuc punzhapicarin, huiñai causaitami chasquinga. Chaica chashnatacmi canga— nirca.

1 TIMOTEO 1:16

Jesucristo punzhanta llaquic cashcata ricuchunmi, yallita ñuca juchayuc cacpipish, Taita Diosca ñucata llaquirca. Chashnaca maijanpish mashna juchayuc cashpapish, Jesusta crishpaca huiñai causaita japinalla cashcata ricuchingapacmi, ñucataca acllarca.

GÁLATAS 6:8

Maijanpish millai munaita ruhuashpa mana allita ruhuacca, chai mana allita ruhuashcamantami huañuita japinga. Ashtahuanpish Diospac Espíritu munashcata ruhuacca, Diospac Espiritumantami huiñai causaita japinga.

ROMANOS 6:23

Juchata ruhuashpa causacushcamantaca, huañuitami japina can. Ashtahuanpish ñucanchic Apunchic Jesucristohuan shuc shinalla caccunamanca, Taita Dios mai c'uyashpa, huiñai causaitaca yangami cun.

SAN JUAN 3:15

Maijanpish ñucata cricca huiñai causaita charichunmi, chashna ruhuashca cana cani.

SAN JUAN 6:40

Ñuca Taitaca paipac Churita maijanpish ricushpa crishpaca, huiñai causaita charichunmi munan. Chaicunataca ñucami tucuri punzhapi causachisha— nirca.