1 JUAN 1:2 - Nuevo Testamento en Quichua Cañar 1996

² Causaita cuctaca Taita Dios cachacpimi ricurcanchic. Chaita ricushpami paimanta cancunaman huillanchic, shinallatac chaica huiñai causaita cuc cashcata huillanchic. Paica Taita Dioshuanmi carca. Chaimanta shamushpami, ñucanchicmanca ricurirca.

Dios Rimashcata Quillcashcami

² Causaita cuctaca Dios cachacpimi ricurcanchic. Chaita ricushpami paimanta cancunaman parlanchic, shinallatac huiñai causaita cuc cashcata huillanchic. Paica Dios-huanmi carca. Chaimanta shamushpami, ñucanchicman ricurirca.

1 JUAN 1:2 Referans Kwoze

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

SAN JUAN 1:4

Paillapitacmi causaica tiyarca. Chai causaimi gentecunapac Achicyachic carca.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

SAN JUAN 17:3

Cai huiñai causaica, shuclla Taita Dios can cashcata, shinallatac can cachashca Jesucristota ricsinami.

1 JUAN 5:11

Cai huillashcahuanmi Diosca huiñai causaita cushca. Chai huiñai causaitaca paipac Churillamantami charinchic.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.

TITO 1:2

Chai cashcata nic huillashcaca, cai pacha manarac tiyacpi cashcata nic Taita Dios cusha nishca, ñucanchic cushicushpa shuyacushca huiñai causaimantapish huillanmi.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

1 JUAN 3:5

Jesucristo ñucanchic juchacunata anchuchingapac cai pachaman shamushcataca yachanguichicmi. Paica ima juchata mana charinchu.

2 TIMOTEO 1:10

Chashnami Quishpichic Jesucristota cai pachaman cachashpa, Taita Diosca c'uyac cashcata ricuchirca. Pai quishpirinamanta huillashpa, huañuita chingachirca, shinallatac mana chingarina causaitapish apamurca.

GÁLATAS 4:4

Shina cacpipish cachana punzha pactacpimi, Taita Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

SAN JUAN 15:27

Cancunaca callarimanta pacha ñucahuan cashcamantami, cancunapish ñucamanta huillaccuna canguichic.

HECHOS 3:15

Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.

1 PEDRO 5:1

Cunanca cancunapuramanta tandanacushca criccunata pushaccunatami cunashpa rimasha nini. Ñucapish paicuna shinallatac pushacmi cani. Shinallatac Cristo ima shina llaquita apashcatapish ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

ROMANOS 8:3

Taita Diosmi paipac shuclla Churita juchayuc gentecunapac randi runa tucushpa, llaquita apashpa, juchacunamanta Diosman cushca shina huañuchun cacharca. Moisés mandashcacunata gentecunapac munaillamanta mana pactachipac cacpimi, chashnaca ruhuarca. Chai shina ruhuashpami, gentecunapi tiyac juchataca tucui chingachirca.

HECHOS 10:41

Mana tucuimanchu ricuchirca. Ñucanchic imalla ricushcata huillachun nishca, Dios ñaupaman acllashcacunallamanmi ricuchirca. Huañushcacunapuramanta Jesús causaricpica, ñucanchicca paihuanmi micurcanchic, ubiarcanchic.

HECHOS 5:32

Ñucanchicca cai tucui uyashcatapish, ricushcatapish huillaccunami canchic. Shinallatacmi Diospac Espiritupish cai tucuita huillacun. Taita Diosca paita cazuccunamanmi paipac Espiritutaca cushca— nircacuna.

HECHOS 2:32

Taita Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

HECHOS 1:22

Paicunaca Juan bautizacushca punzhamanta pacha, Jesús jahua pachaman ringacaman ñucanchichuan puric runacunami. Chashna cashcamanta Jesús causarishcata ñucanchichuan huillachunca, paicunapuramanta maijanta cashpapish shucta acllashunchic” nirca.

SAN JUAN 21:14

Jesús chaipi ricurishcahuanca, quimsa cutinmi yachacuccunamanca huañushcacunapuramanta causarishca q'uipaca ricurirca.

SAN JUAN 17:5

Cunanca ñuca Taitalla, cai pacha manarac tiyacpi, ima shinami cambac ladopi sumacyachishca carcani, shinallatac cunanpish sumacyachiyari.

SAN JUAN 16:28

Cai pachaman shamungapacmi ñuca Taitapacmanta llucshircani. Cunanca cai pachata saquishpami, ñuca Taitapacman cutigrini— nirca.

SAN JUAN 8:38

Ñucaca ñuca Taitahuan cashpa, imalla ricushcallatami huillani. Cancunaca cancunapac taita ima nishcallatami ruhuanguichic— nirca.

SAN JUAN 7:29

Taita Dios cachashca, paimanta shamushca cashcamantami, paitaca ricsini— nirca.

SAN JUAN 3:13

Jahua pachamanca pi mana rishcachu, ashtahuanpish Runa Tucungapac shamushca*f** ñucallami jahua pachamantaca shamurcani. Ñucami jahua pachapi causacca cani.

SAN JUAN 1:18

Taita Diostaca jaicapi pi mana ricushcachu. Shina cacpipish Taita Dioshuan shuc yuyailla causac, paipac shuclla Churi Diosllatac cashpami, Taita Dios ima shina cashcataca ricuchirca.

1 JUAN 1:1

Taita Dios cai pachata manarac ruhuacpi, ña tiyashca Rimashca Shimimantami cancunamanca quillcanchic. Chaillatatacmi ñucanchicca uyarcanchic, shinallatac ñucanchic quiquin ñahuihuantac ricurcanchic. Shina ricushpa ñucanchic maquihuantac tuparishpami, chai Rimashca Shimica causaita cuc cashcata yachanchic.

SAN JUAN 10:28

Ñucaca huiñai causaitami paicunamanca cuni. Paicunaca mana chingaringachu, shinallatac pipish ñuca maquimantaca mana quichungachu.

SAN JUAN 19:35

Tucui caicunataca ñuca ricushpami, mana llullashpa parlani. Cai parlashcaca mana llullachu. Cancuna crichunmi, imatapish cashcata yachashpa parlani.

1 JUAN 2:25

Jesucristoca huiñai causaitami ñucanchicmanca cusha nishca.

1 JUAN 4:2

Diospac Espirituhuan cashcataca cai shinami yachac chayanguichic: Maijanpish “Jesucristoca runa tucungapac shamushcami” nicmi, Diospac Espiritutaca charin.

1 JUAN 4:14

Ñucanchicllatacmi Taita Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

1 JUAN 5:13

Cancuna Diospac Churita crishpaca, huiñai causaita charishcatapish yachachun nishpami caicunataca quillcani.