1 CORINTIOS 9:21 - Nuevo Testamento en Quichua Cañar 1996

²¹ Shinallatac Moisés mandashcacunata mana pactachiccunahuan cashpaca, paicuna quishpirichunmi paicuna shina tucuni. Chashna ruhuashpaca, Dios mandashcacunata mana saquishpami, Cristo mandashcata pactachicuni.

Dios Rimashcata Quillcashcami

²¹ Moisés mandashcacunata mana pactachiccunahuan cashpaca, paicuna Cristopacman shamuchunmi paicuna shina tucuni. Chashna ruhuashpaca, Dios mandashcacunata mana saquishpami, Cristo mandashcata pactachicuni.

1 CORINTIOS 9:21 Referans Kwoze

ROMANOS 2:12

Moisés mandashcacunata mana yachashpa juchata ruhuaccunaca, chai mandashcacunata mana yachashpapish, huiñaitami chingaringacuna. Ashtahuanpish mandashcacunata yachashca jahua juchata ruhuaccunaca, mandashcapi nishca shinallatacmi taripashca canga.

GÁLATAS 3:2

Caillatami huillachun munani: ¿Cancunaca Moisés mandashcacunata pactachishpachu, mana cashpaca ñucanchic huillashcata uyashpa crishpachu Diospac Espiritutaca chasquircanguichic?

ROMANOS 2:14

Mana israelcunaca Moisés mandashcacunata mana yachashpapish, paicunapac munaimanta mandashcacunapi nishca shinallatac ruhuashpa, allita, mana allita yachac cashcatami ricuchincuna.

ROMANOS 8:4

Mandashcacuna chashnatac nicushcata ñucanchic pactachichunmi, chashnaca ruhuarca. Ñucanchicca mana cai pacha jucha munashca shinachu causacunchic, ashtahuanpish Diospac Espíritu yuyaita cushca shinami causacunchic.

ROMANOS 7:25

Taita Diosllami ñucanchic Apunchic Jesucristomanta chai huañuimantaca anchuchinga. Chaimantami paitaca pagui nini. Ñuca yuyaihuanca Dios mandashcacunata pactachinatacmi yuyani. Shina cacpipish ñuca munaihuanca, jucha mandashcatami ruhuacuni.

ROMANOS 7:22

Ñuca shungupica Dios mandashcacunahuanca yallitami cushicuni.

HECHOS 21:25

Mana Israel*f** criccunamanca, ñami cashna nishpa quillcarcanchic: ‘Moisés mandashcacunapi nicushcacunataca, caicunatami pactachina canguichic: Ruhuashcalla dioscunaman ima cushcacunatapish, yahuartapish, sipishpa huañuchishca aichatapish ama micunguichicchu. Shinallatac ama huaclliringuichicchu’ nishpami, yuyarinacushpa ña quillcarcanchic— nircacuna.

HECHOS 16:4

Chashna ruhuachishca q'uipa rishpaca, Jesús acllashca huillaccunapish, criccunata pushaccunapish Jerusalenpi yuyarinacushca imalla ruhuana cashcata cazuchunmi, tucui pueblocunapi huillashpa purircacuna.

HEBREOS 8:10

Chai punzhacuna q'uipaca israelcunahuan ari ninacushpaca, ñuca mandashcacunataca paicunapac yuyaipimi yuyarichun churasha. Shinallatac paicunapac shungupipish, quillcashca shina cachunmi churasha. Ñucaca paicunapac Diosmi casha, shinallatac paicunaca ñuca huahuacunami canga.

HECHOS 15:28

Diospac Espiritumanpish, ñucanchicmanpish alli cacpimi, cancunataca mana ashtahuan p'iñachingapac cai ruhuana cashcallatac nishun ninchic:

GÁLATAS 6:2

Caishuc chaishuc llaquicunata apanata ayudanacushpami, Cristo mandashcataca pactachinguichic.