1 CORINTIOS 7:25 - Nuevo Testamento en Quichua Cañar 1996

²⁵ Manarac cazarashcacunata yachachingapacca, Apunchic Jesús mandashcataca mana charinichu. Shina cashpapish Apunchic Jesús c'uyashpa, paita alli c'aticta ruhuashcamantami, ñuca yuyaimanta cai shina nini:

Dios Rimashcata Quillcashcami

²⁵ Carihuan manarac chayarishca solteracunata yachachingapacca, Apunchic Jesús mandashcataca mana charinichu. Shina cashpapish Apunchic Jesús cuyashcamantami, ñuca yuyaimanta caitaca chashna nini. Chaitaca tucui shunguhuan uyaichicyari:

1 CORINTIOS 7:25 Referans Kwoze

1 CORINTIOS 7:6

Tucui caicunataca “chashnatami ruhuana canguichic” nishpaca, mana mandanichu, ashtahuanpish yuyaita cunillami.

1 CORINTIOS 4:2

Maijanta imata ruhuachun churashpaca, pactachic cashcatami ricushun nincuna.

1 CORINTIOS 7:40

Chashna cacpipish ñuca yuyaipica mana cutin cazarashpami, ashtahuan cushi causanman yuyanimi. Caitaca Diospac Espíritu ñucamanpish yuyaita cushcamantami nicuni.

1 CORINTIOS 7:12

Caishuccunamanta nishpaca, mana Apunchic Jesuschu nin, ashtahuanpish ñucami cashna nini: Maijan cric huauquipac huarmi mana cric cashpapish, paihuan alli cacpica, ama shitashpa, pushashpa causachunlla ninimi.

2 CORINTIOS 11:17

Cashna rimashpaca, mana Apunchic Jesús munashca shinachu nini, ashtahuanpish jatun tucuna yuyaihuanmi yuyai illac shina rimarini.

2 CORINTIOS 2:17

Ñucanchicca mana caishuccuna shina imata japingaraiculla Diosmanta alli huillaitaca chagrushpa huillacunchicchu, ashtahuanpish mana llullashpami Diospac ñaupapi paillatac cachashcacuna cashcamanta, Cristomantaca huillacunchic.

1 CORINTIOS 15:10

Shina cacpipish Dios c'uyashcallamantami, chashna cashca cashpapish, cunanca cashna cani. Pai ñucata c'uyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish Taita Dios c'uyashcallamantami ayudashpa ruhuachishca.

1 CORINTIOS 7:34

Chashnami paicuna ishcai layata yuyan. Solterapish, ña mana cusayuc huarmipish paipac cuerpohuan, espirituhuan Diospaclla ch'icanyarishpami, Apunchic Jesuspacta ruhuana yuyailla can. Ashtahuanpish cazarashca huarmica cusata cushichingapacmi, cai pachapi ima tiyashcallata yuyashpa causan.

1 CORINTIOS 7:28

Cazarashpapish mana juchallinguichu. Shinallatac soltera cazarashpapish mana juchallinchu. Shina cacpipish cazaraccunaca llaquitami cai pachapi apancuna. Chai llaquicunata charichunca, ñucaca mana munanichu.

1 CORINTIOS 7:10

Ña cazarashcacunataca, huarmica cusata ama shitachun nishpami mandani. Caitaca mana ñucachu nini, ashtahuanpish Apunchic Jesusmi mandan.