1 CORINTIOS 7:2 - Nuevo Testamento en Quichua Cañar 1996

² Chashna cacpipish huacllirina munai tiyashcamantaca, c'aripish quiquin huarmillata, huarmipish quiquin cusallata charichun ninimi.

Dios Rimashcata Quillcashcami

² Shina cacpipish, huainayana yalli tiyashcamantaca, caripish quiquin huarmita, huarmipish quiquin cusata charinami can.

1 CORINTIOS 7:2 Referans Kwoze

EFESIOS 5:28

Cusacunaca, ima shinami quiquinllatac c'uyaringuichic, chai shinallatac cancunapac huarmicunatapish c'uyaichic. Maijanpish quiquin huarmita c'uyacca quiquinllatacmi c'uyarin.

EFESIOS 5:33

Shina cacpica quiquinllatac c'uyaric shina, cancunaca cancunapac huarmicunata c'uyaichic. Shinallatac huarmicunapish, cancunapac cusacunata alli nishpa cazuichic.

1 CORINTIOS 7:9

Shina cacpipish mana jarcari pudishpaca, cazarachunlla. Chai munailla purinapac randica, cazaranami ashtahuan alli.

1 CORINTIOS 6:18

Huacllirinamantaca anchurichic. Maijanpish ima shuctac juchata ruhuashpaca, mana paipac cuerpota imata ruhuanchu, ashtahuanpish maijan cashpapish huaclliricmi, paipac quiquin cuerpota huacllichishpa, juchahuan mapayachin.

1 TIMOTEO 4:3

Chai yachachiccunaca cazaranapish, maijan micunata micunapish mana allichu nincunami. Ashtahuanpish Taita Diosca cashcata yachac criccunamanca paita pagui nishpa micuchunmi, chaicunataca ruhuarca.

SAN MATEO 5:32

Ashtahuanpish ñucaca cashnami nini: Maijan c'aripish paipac huarmi manapish shuchuan cacta yachashpa raquiricpica, chai huarmica paimantami shuc-huan huacllirinacushpa juchallin. Shinallatac maijanpish chai raquirishca huarmihuan cazarashpaca, juchallinmi.

1 CORINTIOS 7:1

Cunanca cancuna quillcashpa, tapushcatami huillagrini. Mana cazarashpa causanaca allica, allimi canman.

1 CORINTIOS 7:3

Shinallatac cusapish quiquin huarmiman cuna cashcata cuchun, huarmipish quiquin cusaman cuna cashcata cuchun ninimi.

1 TESALONICENSES 4:4

tucui mashna quiquin huarmillahuan causashpa, ima mapa yuyaicunamanta anchurishpa, sumacta causachunmi munan.