1 CORINTIOS 7:19 - Nuevo Testamento en Quichua Cañar 1996

¹⁹ Taita Diosmanca circuncisionta ruhuashcapish, mana ruhuashcapish mana ima canchu, ashtahuancarin pai mandashcacunata cazunami ashtahuan alli.

Dios Rimashcata Quillcashcami

¹⁹ Diosmanca circuncisionta ruhuashcapish, mana ruhuashcapish mana ima canchu, ashtahuanpish pai mandashcacunata cazuchunmi munan.

1 CORINTIOS 7:19 Referans Kwoze

GÁLATAS 6:15

Circuncisionta ruhuashcapish, mana circuncisionta ruhuashcapish mana ima canchu, ashtahuanpish Taita Dios mushucyachicpi mushuc causanami ashtahuan alli.

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

COLOSENSES 3:11

Chashna cashcamantami israelcuna*f** cashpa, mana israelcuna*f** cashpa, circuncisionta*f** ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.

GÁLATAS 3:28

Jesucristohuan shuc shinalla tucushcamantaca, tucui mashnami shuc shinalla canguichic. Shina cacpica israel*f** cashpapish, mana israel*f** cashpapish, servic cashpapish, mana servic cashpapish, c'ari cashpapish, huarmi cashpapish mana ima canchu.

1 CORINTIOS 8:8

Ima micunata micushcallamanta Dios alli nishcaca mana cashunchu. Micushcallamanta ashtahuan alli nishcapish, shinallatac mana micushcamanta mana alli nishcapish mana cashunchu.

ROMANOS 3:30

Taita Diosca shucllami tiyan. Paimi circuncisionta*f** ruhuashca cacpi, mana ruhuashca cacpipish, Jesusta crishcallamanta pitapish paihuan alli tucuchun chasquin.

SAN JUAN 15:14

Ñuca mandashcacunata pactachishpaca, ñucahuan apanacuccunami cancunaca canguichic.

SAN MATEO 5:19

Chaimanta maijanpish cai mandashcacunamanta uchilla mandashcata mana cazushpa, gentecunaman chashna yachachicca, jahua pacha Taita Dios mandacucpica ashtahuan yanga nishca canga. Maijanpish cai mandashcacunata cazushpa shuccunamanpish yachachicca, jahua pacha Taita Dios mandacucpica alli nishcami canga.