1 CORINTIOS 7:15 - Nuevo Testamento en Quichua Cañar 1996

¹⁵ Shina cashpapish cusa cashpa, huarmi cashpa, mana cric cashcamanta shitasha nishpaca, shitachunlla. Shina cashpaca, maijan cric huauqui, maijan cric pani cashpapish shitai pudinmi. Taita Diosca ñucanchictaca sumacta causachunmi c'ayarca.

Dios Rimashcata Quillcashcami

¹⁵ Ashtahuanpish cari cashpa, huarmi cashpa, mana cric cashcamanta shitasha nishpaca, shitachunlla. Chaica, cric huauquipish, cric panipish mana llaquilla causanachu can. Diosca ñucanchictaca cushilla causachunmi cayarca.

1 CORINTIOS 7:15 Referans Kwoze

ROMANOS 14:19

Chashna cashcamanta caishuc chaishuc ima shina sumacta causanatapish, ima shina ashtahuan ayudanacunatapish munashunchic. Ayudanacushpa, Jesusta alli ningapacca imapipish mana p'iñanacunallata munashunchic.

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa c'atichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc Taita Diosca cancunahuan canga.

1 CORINTIOS 14:33

Taita Diosca maipish cachun ruhuachunca mana munanchu. Paica sumac causaita cuc Diosmi. Diospaclla cac tandanacushca criccuna imata ruhuac cashca shinallatacmi,

ROMANOS 12:18

Cancuna pudishcacamanca tucuihuan alli apanacushpa causanata yuyaichic.

SAN MATEO 12:50

Maijanpish jahua pachapi cac ñuca Taita munashcata ruhuaccunallami, ñuca mama, ñuca pani, ñuca huauqui— nirca.

HEBREOS 12:14

Diospaclla mana causashpaca, pipish Apunchic Jesustaca mana ricungachu. Chaimanta Diospaclla causashpa, tucui mashnahuan apanacushpa, alli causanata munaichic.

GÁLATAS 5:22

Ashtahuanpish Diospac Espíritu yuyaita cushca causaccunaca c'uyaccunami, cushi causaccunami, sumacta causaccunami, mana utca p'iñariccunami, llaquiccunami, cuccunami, imatapish pactachiccunami,

SANTIAGO 2:15

Cai shina yuyarishunchic: Cric pani cashpa, cric huauqui cashpa, churana illac, micuna illac causacungachari.

SAN LUCAS 9:39

Cai huahuataca supai japishpami, yuyaita chingachishpa caparichicunlla. Shinallatac shimimanpish puscuta shitachishpa, llaquinayaita chucchuchishpami manatac saquin.