1 CORINTIOS 3:23 - Nuevo Testamento en Quichua Cañar 1996

²³ Shinallatac cancunaca Cristopacmi canguichic. Cristoca Taita Diospacmi.

Dios Rimashcata Quillcashcami

²³ Shinallatac cancunaca Cristopacmi canguichic. Cristoca Diospacmi.

1 CORINTIOS 3:23 Referans Kwoze

GÁLATAS 3:29

Ña Cristopac cashpaca, Taita Abrahampac huahua huahuacunami tucushcanguichic. Shina cashpaca, Taita Dios ñaupaman cusha nishcata japiccunapish canguichicmi.

1 CORINTIOS 15:23

Ima shina cana cashca shinami, tucuipac ñaupaca Cristorac causarirca. Chai q'uipaca Cristo cutimucpimi, tucui paipac caccunaca causaringa.

1 CORINTIOS 11:3

Shina cacpipish Cristoca c'arita uma shina mandac cashcata, cutin c'arica huarmita uma shina mandac cashcata, shinallatac Taita Diosca Cristota uma shina mandac cashcatami yachachun munani.

SAN JUAN 17:18

Ima shinami ñucata cai pachapi causaccunaman huillachun cacharcangui, chashnallatacmi ñucapish paicunataca cai pachapi causaccunaman huillachun cachacuni.

2 CORINTIOS 10:7

Cancunaca ima shina cashcata mana ricushpami, jahualla ima shina cashcallatatac ricunguichic. Maijan cancuna “Cristopacmi cani” nishpaca, ñucanchictapish Cristopac cashcatami yuyana canguichic.

ROMANOS 14:8

Chashna cashcamanta causashpapish, Apunchic Jesuspacmi causanchic. Huañushpapish, Apunchic Jesuspacllatacmi huañushun. Chashna cashcamantaca causashpapish, huañushpapish Apunchic Jesuspacmi canchic.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, shinallatac paicunapish ñucanchichuan shuc shinalla cachunmi mañani. Cai pachapi causaccuna ñucata can cachashca cashcata crichunmi, chashnaca mañani.

GÁLATAS 5:24

Shinallatac maijanpish Jesucristopac caccunaca cai pacha jucha munaicunandic, imapish yallita mana alli yuyaicunandicmi chacatashca shina causacun.

1 CORINTIOS 8:6

ñucanchicmanca shuclla Taita Diosmi tiyan. Paimi tucui cai pachapi imalla tiyactapish ruhuac, shinallatac paipacmi ñucanchicpish canchic. Shinallatacmi shuclla Apunchic Jesucristo tiyan. Paimantami tucui imapish tiyan. Ñucanchicpish paimantami causanchic.

1 CORINTIOS 7:22

Maijan amoyuc cashca cashpapish, Apunchic Jesusta crishpaca, ña mana amoyucchu can, cunanca Apunchic Jesuspacta ruhuachun acllashcami. Shinallatac maijanpish mana amoyuc cashca cashpapish, cunanca Apunchic Jesuspacta ruhuachun c'ayashcami.

EFESIOS 1:10

Taita Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

SAN MATEO 17:5

Pedro chashna nicucpiracmi, yuranlla p'uyu paicunataca quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

1 CORINTIOS 15:28

Tucui mashna Cristohuan shuc shinalla tucushpa, paipac ñaupapi cumurishca q'uipaca, Cristollatacmi Diospac Churi cashpapish, tucuita cumurichic Diospac ñaupapi cumuringa. Chai shinami Taita Diosca tucui imatapish paillatac mandanga.