1 CORINTIOS 16:9 - Nuevo Testamento en Quichua Cañar 1996

⁹ Taucacuna ñucata p'iñacucpipish, Jesucristomanta ñuca huillanaca maipipish pungu pascashca shinami can.

Dios Rimashcata Quillcashcami

⁹ Taucacuna piñacucpipish, Jesucristomanta ñuca huillachunca, pungu pascashca shinami can.

1 CORINTIOS 16:9 Referans Kwoze

2 CORINTIOS 2:12

Troas pueblopi Cristomanta alli huillaita huillangapac chayacpica, Apunchic Jesusllatacmi imatapish huillachunca pungu pascashca shinata ruhuarca.

COLOSENSES 4:3

Shinallatac Cristomanta pi mana yachashca alli huillaita maipipish mana jarcarishpa huillangapac, ñucanchicmantapish Taita Diosman mañaichic. Chaita huillashcamantami, ñucapish caipi prezu tiyacuni.

HECHOS 14:27

Antioquía puebloman chayashpaca, chaipi causac tucui criccunatami tandachircacuna. Chashna tandachishpami, Taita Dios paicunahuan cacpi ima allicunata ruhuashcatapish, shinallatac mana israelcunacaman*f** quishpirichun Taita Dios saquishcatapish parlarcacuna.

FILIPENSES 3:18

Ña utcaman tauca cutin nishca shinallatacmi, cunanpish huacashpa cashna nini: Cristo chacatashca huañushcataca, achcacunami yangata shina ruhuashpa causacuncuna.

1 CORINTIOS 15:32

Ñucaca Efeso pueblopica, p'iña animalcunahuan macanacuc shinami sinchita macanacurcani. Shina macanacushcapish, cai pacha munaicunallamanta macanacushca cacpica, ¿imapactac valinman? Huañushcacuna mana causarina cacpica, maijancuna nishca shinaca: “¡Cunanca micushunchic, ubiashunchic, cayaca ña huañushunmi!” nimanmi.

2 CORINTIOS 1:6

Ñucanchic llaquita apashpaca, cancuna quishpirishpa, cushicuita japichunmi llaquita apanchic. Taita Dios ñucanchicta cushichishpaca, ñucanchic llaquita apacushca shinallatac, cancunapish mana manchashpa, c'uyac shunguhuan llaquita apachunmi, cushicuita cun.

SANTIAGO 5:16

Chaimanta alliyashca cangapacca, ima mana allita ruhuashcacunatapish caishuc chaishuc ama pacashpa huillanacuichic. Taita Dios alliyachichunpish, caishuc chaishucmanta Diosman mañaichic. Taita Diosman cashcata ruhuac mañacpica, imatapish pactachingallami.