1 CORINTIOS 16:15 - Nuevo Testamento en Quichua Cañar 1996

¹⁵ C'uyashca criccuna, Acaya llactapi quishpirinamanta alli huillaita huillacpica, Estéfanas paipac familiandic punta cric tucushcataca cancunallatac yachanguichicmi. Paicunami shuctac criccunataca servina yuyailla causancuna.

Dios Rimashcata Quillcashcami

¹⁵ Cuyashca criccuna, Acaya llactapica Estéfanas paipac familiandi punta cric tucushcataca cancunallatac yachanguichicmi. Paicunami criccunata tucui shunguhuan ayudacuncuna.

1 CORINTIOS 16:15 Referans Kwoze

1 CORINTIOS 1:16

Chashnallatac Estéfanas aillutapish bautizarcanimi. Chaimanta pi shuctaccunata bautizashcataca mana yuyarinichu.

ROMANOS 16:5

Shinallatac Priscilapac, Aquilapac huasipi tandanacuc criccunatapish “allilla cashca cachun” nichic. Asia llactapi causac ñucahuan mai apanacuc Epenetotapish “allilla cashca cachun” nichic. Paimi chai llactapica Jesucristota punta cric carca.

1 PEDRO 4:10

Taita Diosmanta allita ruhuangapac ch'ican ch'ican ruhuac canata chasquishcamanta, allita ruhuaccuna shina, quiquin chasquishcahuan caishuc chaishucman allita ruhuaichic.

2 CORINTIOS 9:1

Diospaclla cac criccunaman cullquita cushpa ayudachun nishpaca, ña mana cancunaman quillcashpa c'atinachu cani.

2 CORINTIOS 8:4

“Diospaclla cac criccunata ñucanchicpish ayudashun ninchicmi” nishpa, mailla mañarcacuna.

ROMANOS 16:2

Shuccunatapish, ñucatapish ayudac cashcamantami, paiman ima illashcatapish cushpa, ñucanchic criccunapurapi chasquina cashca shinallatac Apunchic Jesuspac shutipi chasquichun nini.

ROMANOS 15:25

Shina cashpapish cunanca Jerusalén pueblopi causac criccunata ayudangapacmi rigrini.

ROMANOS 12:13

Criccunapurapi ima illacpica, quiquinpac ima illashcata shina yuyashpa cunguichic. Maijanpish cancunapac huasiman shamucpica, alli chasquinguichiclla.

APOCALIPSIS 14:4

Paicunaca huarmihuan mana chayarishca, chuyacunami carca. Paicunaca Pactalla Oveja maita ricpipish c'aticcunami. Paicunaca gentecunapuramanta Taita Diosmanpish, Pactalla Ovejamanpish cungapac punta acllashcacuna shinami quishpirishcacuna.

HEBREOS 6:10

Cashcata ruhuac Taita Diosca cancuna imata ruhuashcatapish, paipaclla caccunatapish cunan ima shina ruhuacuc shinallatac c'uyaihuan servishpa causacuccunataca, manatac cungaringachu.

FILEMÓN 1:7

C'uyashca huauqui, cambac c'uyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.

1 TIMOTEO 5:10

Paicunaca paicunapac huahuacunata alli huiñachic, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuaccunami cana can. Tucui cai allicunata ruhuashcamantami, tucuipac alli nishca cana can.

1 CORINTIOS 16:17

Ñuca cancunahuan mana cashpa llaquilla cacpipish, Estefanaspish, Fortunatopish, Acaicopish shamushcamantami ñucaca cushicuni.

ROMANOS 15:31

Judea llactapi tiyac mana criccuna llaquichinamanta Taita Dios huacaichichun, shinallatac Jerusalenpi causac criccuna ñuca imallata apacushcata alli chasquichunpish, ñucamanta Taita Diosman mañaichic.

HECHOS 18:12

Galión runa Acaya llactata mandacui punzhacunapimi, israelcunaca tandanacushpa, Pablota japishpa, chai mandacpacman aparcacuna.

1 CORINTIOS 16:1

Diospaclla cac criccunaman cachangapac cullquita tandachingapacca, Galacia llactapi cac criccunaman ñuca yachachishca shina, cancunapish ruhuana canguichic.