1 CORINTIOS 15:36 - Nuevo Testamento en Quichua Cañar 1996

³⁶ ¡Chashna niccunaca yuyai illaccunami! Ima muyuta tarpucpipish, chai muyuca ismunmi. Chashna ismucpimi, cutin shuc huiñan.

Dios Rimashcata Quillcashcami

³⁶ ¡Yuyai illac! Muyuta tarpucpica, muyuca ismunmi. Quipatami shuc huiñan.

1 CORINTIOS 15:36 Referans Kwoze

SAN JUAN 12:24

Shuc trigo muyu allpapi urmashpa, jurayashpa chingarishpaca, achca granotami cun. Ashtahuanpish mana allpapi urmashpaca, paillami tiyacunlla. Chaica chashnatacmi can.

SAN LUCAS 11:40

Yuyai illaccuna, ¿manachu yachanguichic? Ucutapish, jahuatapish Taita Diosmi ruhuarca.

EFESIOS 5:15

Chaimanta caishuc chaishuchuan apanacungapac alli yuyarichic. Ama yuyai illac shina causaichicchu, ashtahuanpish alli yuyaihuan causaichic.

ROMANOS 1:22

“Jatun yachaccunami canchic” nishpapish, paicunaca mana yachaccunami tucushca.

SAN LUCAS 24:25

Chashna nicpimi Jesusca: —¡Cancunaca yuyai illac upacunami canguichic! Chashna cashpami, Diosmanta ñaupa huillaccuna ñucamanta ima nishcataca mana utca cringuichic.

SAN LUCAS 12:20

Ashtahuanpish Taita Dios paitaca: ‘Yuyai illac runa, cunan tutallatacmi huañungui. Cai tucui huacaichishcacunaca, ¿pipacshi canga?’ nirca.

1 CORINTIOS 15:37

Imata tarpushpapish, ña huiñashcataca mana tarpunchu, ashtahuanpish trigota cashpa, ima shuc muyucunata cashpapish muyullatami tarpun.

SANTIAGO 2:20

Ama upa shina caichu. Can crishpapish, ima allita mana ruhuashpaca, mana crishca shinallatacmi cangui.