1 CORINTIOS 14:20 - Nuevo Testamento en Quichua Cañar 1996

²⁰ C'uyashca criccuna, ama huahuacuna shina imatapish yuyaichicchu. Mana allita ama ruhuangapacca, llullu huahuacuna shinami cana canguichic. Ashtahuanpish allita yuyaringapacca, ña yuyaccuna shinami cana canguichic.

Dios Rimashcata Quillcashcami

²⁰ Cuyashca criccuna, ama huahuacuna shina yuyaichicchu. Ashtahuanpish mana allita ruhuangapac llullu huahuacuna shina yuyaichic. Allita yuyaringapacca, yuyaccuna shina caichic.

1 CORINTIOS 14:20 Referans Kwoze

1 PEDRO 2:2

Dios rimashca shimita yachashpa, huiñashpa quishpiringapacca, cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic.

ROMANOS 16:19

Cancuna alli huillaita cazuccuna cashcataca tucuimi yachancuna. Chaimantami cushicuni. Shinallatac cancuna yachac cashcata ricuchingapacca, millaita mana ruhuashpa ashtahuanpish allita ruhuashpa ricuchichunmi munani.

1 CORINTIOS 13:11

Ñuca huahuarac cashpaca, huahua shinami yuyaric carcani, rimac carcani. Shinallatac huahua shinami imatapish ruhuasha nic carcani. Ña juizhuyashpaca, huahua shina ruhuanataca saquircanimi.

SAN MATEO 18:3

—Cancunaca huahuacuna yuyaita japicuc shina, mushuc yuyaita mana japishpaca, jahua pacha Taita Dios mandacucmanca mana yaicunguichicchu. Chaica chashnatacmi canga.

1 CORINTIOS 2:6

Shina cashpami ña sinchi criccunapura cashpaca, yachac tucuna rimaicunahuan rimanacunchic. Ashtahuanpish cai yachac tucuna rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai c'uyac cashcata yachashpa, ashtahuan c'uyanacuichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

FILIPENSES 1:9

Cancunamanta ñuca Taita Diosman mañacushpaca, ashtahuan c'uyaita charichun, shinallatac alli entendishpa Diosmanta allita yachac cachunmi mañani.

MARCOS 10:15

Maijanpish shuc huahua chasquic shina, Taita Dios Mandac cachun mana chasquicca, Taita Dios mandacucmanca mana yaicungachu. Chaica chashnatacmi canga— nirca.

FILIPENSES 3:15

Alli sinchi criccunaca chai shinallatacmi yuyana canchi. Ima shuc layata yuyacucpipish, Diosllatacmi cancuna alli yachachunca yuyaita cunga.

SAN MATEO 11:25

Chai q'uipami Jesusca: “Jahua pachata cai pachata Mandac ñuca Taitalla, cantaca ‘allimari cangui’ ninimi. Canca cai yachanacunataca alli yuyaiyuc, alli yachaccunamanca pacashpami mana yachachishcangui, ashtahuanpish huahuacuna shinamanmi, yachana yuyaita cushpa yachachishcangui.

SAN MATEO 19:4

Chashna nicpi Jesusca: —Taita Dios cai pachata ruhuashpaca, c'aritapish, huarmitapish ruhuarcami. ¿Chaitaca manachu Dios quillcachishcapica ricushcanguichic?

SAN MATEO 19:14

Paicuna chashna jarcacpimi Jesusca: —Saquichic, huahuacuna ñucapacman shamuchun, ama jarcaichicchu. Cai huahuacuna shina caccunami Taita Dios mandacucmanca yaicungacuna— nirca.

SAN LUCAS 18:17

Maijanpish shuc huahua chasquic shina, Taita Dios Mandac cachun mana chasquicca, Taita Dios mandacucmanca mana yaicungachu. Chaica chashnatacmi canga— nirca.

ROMANOS 1:13

C'uyashca criccuna, tauca cutinmi cancunataca ricugrinata munarcani. Shina cashpapish imamantapish jarcarishpami, cancunataca mana ricugrircani. Chaitami yachachun munani. Ñucaca ima shinami shuctac llactacunapi granota tandachic shina criccunata tandachircani, chai shinallatacmi cancunapac llactapipish tandachinata munani.

1 CORINTIOS 14:19

Shina cashpapish chunga huaranga rimaita jaicapi mana uyashca rimaipi rimanapac randica, tandanacushca criccunata yachachingapacca entendinalla pichca rimaicunallatami rimasha nini.

EFESIOS 4:13

Chashnaca tucui paita criccuna shuc shinalla tucushpa, Diospac Churita ricsishpa, Cristo shinallatac mana pandaric, alli yuyaiyuc tucungacamanmi acllarca.